Asa aýyr salmaqtaǵy qazaqstandyq kásipqoı boksshy Ivan Dychko (6-0, 6 KO) jetinshi ret jeńiske qol jetkizdi, dep habarlaıdy Sports.kz.
Kezekti kezdesýin Gollıvýdta (AQSh, Florıda shtaty) ótkizgen Ivan Dychko 42 jastaǵy amerıkalyq ardager Morıs Harrıspen (26-21-3, 11 KO) judyryqtasty. Segiz kezeńge josparlanǵan jekpe-jekti qazaqstandyq boksshy birinshi raýndta-aq nokaýtpen aıaqtady. Sóıtip ol óziniń kásibı rıngtegi jetinshi jeńisine qol jetkizdi.
Dychkonyń osyǵan deıingi aıqasy Sent-Pıtersbergte (Florıda shtaty, AQSh) tájirıbeli amerıkalyq boksshy Maıkl Morronemen ótken bolatyn. Onda da otandasymyz alǵashqy raýndta-aq qarsylasyn jeńgen edi.