Tarıhı tulǵa Musa Shormanov 15 jyl boıy Baıanaýyl syrtqy okrýginiń aǵa sultany bolǵan. Kezinde Shormanovtyń esimi Peterbýrg jurtshylyǵy, geografııalyq jáne antropologııalyq qoǵamdardyń músheleri arasynda tanymal bolǵan. 1881 jyly Máskeýde ótken Búkilreseılik ónerkásiptik-kórkemdik kórmege qazaq halqynyń qoldanbaly óneriniń buıymdaryn jibergen.
Keshendi turǵyzýǵa oblys ákimi Bolat Baqaýov ta qoldaý kórsetipti. Jobany júzege asyrýǵa kásipkerler Qobylanbek Qojın, Qarlyǵash Áýbákirova, Ǵabbas Bekturov, Jumabek Qamzın, Abyzbaı Adamov men Musa Shormanovtyń urpaǵy Sofıa Baınııazova, Saıash Ahmetovter, Baıanaýyl jurtshylyǵy da úles qosýda.
Kesene qurylysy aýdandaǵy Teńdik aýyly mańynda bastaldy. Oblys ortalyǵyndaǵy memlekettik pedagogıkalyq ýnıversıtet rektory Altynbek Nuhulynyń aıtýynsha, Shoqan Ýálıxanovtyń týǵan naǵashysy Musa Shormanulynyń kesene qurylysy jobasy rýhanı-tarıhı mýzeı keshenine aınalady. Musanyń balasy Sádýaqas Shormanovtyń basyna da qulpytas qoıylmaq. Mańǵystaý oblysynan eki vagon ulýtas jetkizilmek. Farıda Byqaı «Egemen Qazaqstan» PAVLODAR