Uly danyshpan Abaı, ǵulama Shákárim, kemeńger jazýshy Muhtar Áýezov týǵan ólkeniń tynys-tirshiligin oqyrmanǵa jetkizip júrgen Abaı aýdandyq «Abai eli» gazeti latyn álipbıinde shyǵa bastady.
Jaqynda Abaı aýdandyq gazetine bas redaktor bolyp Əset Myrzaqasym taǵaıyndaldy. Əset Medeýhanuly Abaı aýdany Arqat aýylynyń týmasy. Semeıdegi pedınstıtýttyń fılologııa fakýltetin sonaý 1974 jyly bitirgen. Sodan beri 40 jyldaı memlekettik qyzmet atqarǵan. Onyń ishinde 16 jyldaı Abaı aýdanynyń mádenıet salasynda basshy qyzmetinde jemisti eńbek etti. Abaı atamyzdyń tarıhı jádiger orny bolyp sanalatyn Jıdebaıdaǵy mýzeıde de basshylyq qyzmette istedi. Enbegi elenip, mádenıet salasyndaǵy qyzmeti úshin «Respýblıkaǵa eńbegi sińgen úzdik qyzmetker» ataǵyn ıelendi. Jyl basynda respýblıkalyq «Úzdik ólketanýshy» tós belgisine ıe boldy.
«Biz Elbasynyń «Rýhanı jańǵyrý» baǵdarlamasyna oraı gazetimizdi latyn qarpine kóshirýdi qolǵa aldyq. Týǵan jer qashan da ystyq. Sondyqtan 2008 jyldan beri týǵan jer taqyrybyndaǵy ədebıet salasyn zerttep, dramatýrg retinde shyǵarmashylyqpen shuǵyldanyp kelemin», dedi Á.Myrzaqasym,
Əset Medeýhanulynyń «Abaıdyń ədebı hatshysy», «Uly Abaı elinde», «Abaı jolymen», «Abaı amanaty» atty kitaptary jaryq kórgen. Sondaı-aq, «Ənim men kúıim – halqyma syıym», «Dala danyshpany Qunanbaı» atty jınaq kitaptardy basyp shyǵarýda zor eńbek sińirdi.
Raýshan NUǴMANBEKOVA
Sýretter avtordiki
Shyǵys Qazaqstan oblysy
Abaı aýdany