Bıyl elimizde «Azamattarǵa arnalǵan Úkimet» memlekettik korporasııasy qaıta qurýdan ótti. Bul jańashyldyq halyqqa kórsetiletin qyzmet sapasyn arttyrýǵa múmkindik beredi. Oblys ortalyǵyndaǵy Halyqqa qyzmet kórsetý salasyndaǵy 4 mekeme biriktirilip, bir ǵımaratqa ornalasty.
Al, «Azamattarǵa arnalǵan Úkimet» memlekettik korporasııasynyń oblys boıynsha fılıalynyń málimetinshe, óńirde memlekettik qyzmet kórsetý sapasyn arttyrý baǵytynda 30-dan astam jobalar júzege asyrylýda. Buryn turǵyndar bir anyqtamalyq qujat úshin 2-3 kún júrse, qazir qyzmet nebary 2 mınýtta kórsetiledi. Endi pavlodarlyqtar avtokólikterin onlaın rejıminde tirkeý múmkindigine ıe bolady. Qajetti qyzmetti úıde otyryp jasaı alady. Qazir elektrondy úkimet qyzmetin paıdalanýshylardyń qatary artýda.
Búginde óńirdegi halyqqa qyzmet kórsetý ortalyqtaryndaǵy (HQKO) 621 memlekettik qyzmettiń 44-i elektrondy túrde kórsetiledi. Barlyǵynda «ConnectionPoint» atty ózine-ózi qyzmet kórsetý oryndary da jabdyqtalǵan. Talon túbirtegin alyp, kezekte turmaı, ózderi-aq elektrondy sandyq qoltańba arqyly basqa da 700 qyzmetti tutyna alady.
Farıda Byqaı
«Egemen Qazaqstan»
PAVLODAR