Ashyq aspan astyndaǵy kitaphana

Kókshetaý qalalyq ortalyq balalar jáne jasóspirimder úlgili kitaphanasy Elbasynyń «Bolashaqqa baǵdar: rýhanı jańǵyrý» baǵdarlamasyna oraı ashyq aspan aıasyndaǵy kitaphana uıymdastyrdy. Alǵashqy kúni ortalyq saıabaqta saltanatty­ túrde ashylǵan bul joba bir kún­di ǵana qamtyǵan joq. Tutas­taı onkúndikti qamtyp, saıaly aǵash­tardyń aıasynda, taza aýa­da balǵyndardy kitap oqýǵa tar­týdyń, osy oraıda, olardy talaı tanymdyq is-sharalarmen qaýyshtyrýdyń qoldan kelgen barlyq múmkindikteri qaras­tyryldy. Sóıtip bul arada kádim­gideı balalarǵa arnalǵan ár­túrli qyzǵylyqty kórkem áde­bıetterden, oıynshyq kitap­tardan, mazmundy en­sık­­­­lopedııalar men áserli fotoalbomdardan turatyn kitaphana qalyptasty. Kish­ken­taı baldyrǵandar osy ara­da ústel oıyndaryna qaty­syp, túrli qurastyrmaly oıyn­shyqtardy qurastyryp, asfalt ústine túrli-tústi sýretter salyp, baqytty balalyq shaqtyń alańsyz álemine boılaı tústi.

Bir atap ótýge turarlyq jaıt,­ kitaphananyń «Ádebıet ále­­mindegi demalys» atty ashyq aspan aıasyndaǵy bul jobasy osy tektes respýblıkalyq sharalardyń tizimine engizilip otyr. Biraz balalar men olar­dyń ata-analary qatysqan onkúndiktiń ashylý saltanatyna balalar taqyrybyna qalam terbep júrgen aqyn-jazýshylar Serik Jetpisqalıev, Qaıyrbaı Tóreǵoja qatysyp, óz qoltańbalary qoıylǵan kitaptaryn syılady. Sonymen birge jas ónerpazdar óner kór­setip, qazaq jáne orys tilderinde balalar óleńderi oqyl­dy, ánder shyrqaldy.

Búginde ómirimizdiń ajyramas bir bóligine aınalyp otyr­ǵan rýhanı jańǵyrý sharalary jas jetkinshekterdiń de boılaryna kishkentaılarynan osy uǵymdy sińirip, olardy otansúıgishtikke, kitapqumarlyq pen zerdelilikke baýlýymyz qa­jettigin alǵa tartyp otyr. Bul rette, kóbine óz-ózimen bolyp, joǵaryda aıtqan sebeptermen aınalasynan oqshaýlana túsken jas urpaqty rýhanııattyń sara jolyna salýymyz qajet. Osy baǵytta ózderi ómirge ákelgen jobaǵa bir kisideı jumylyp, on kún boıy balalarǵa ashyq­ aspan astyndaǵy ki­tap­­hana uıym­dastyrǵan Kók­she­taý qalalyq balalar jáne jasóspirimder úlgili kitap­hana­synyń ujy­myna rızashylyǵymyz mol.

Baıqal BAIÁDIL,

«Egemen Qazaqstan»

Kókshetaý