Almatydaǵy Qonaev mýzeıinde memleket jáne qoǵam qaıratkeri, II Dúnıejúzilik soǵystyń ardageri Sultan Jıenbaevtyń 97 jasqa tolý qurmetine oraı arnaıy kórme ashyldy. Onda maıdangerdiń eńbek jolynan mol maǵlumat beretin sýretteri men jekelegen buıymdary qoıylǵan.
Sultan Súleımenulynyń maıdan shebindegi erlikteri men memleketimizdiń damýyna qosqan orasan zor eńbegi el tarıhynda erekshe. Ǵasyrǵa jýyq ýaqyt qaıratkerlik, otansúıgishtik baǵytyn berik ustanǵan tulǵanyń ómiri keleshek urpaqqa úlgi. Osyny maqsat etken mýzeı qyzmetkerleri de kórmede ardager ómiriniń barlyq sátterin qamtýǵa tyrysqan. Al mýzeı sóresinde turǵan, Sultan Súleımenulynyń 70 jasqa tolýyna oraı Dinmuhamed Qonaev syıǵa tartqan monshaqty shapannyń tarıhyna da otyz jylǵa jýyqtap qalǵan eken. «Jaqsydan sharapat...» demeı me dana halqymyz. Dinmuhamed Ahmetulyndaı elimizdiń kórnekti qaıratkeriniń syılyǵy búginde mýzeı sóresinen óziniń laıyqty ornyn taýypty.
Elvıra Serikqyzy,
«Egemen Qazaqstan»
ALMATY