Abaı aýdanynyń ortalyǵy – Qaraýyl aýylynda oıshyl, aqyn Shəkərim Qudaıberdiulynyń 160 jyldyq mereıtoıy keń kólemde atalyp ótip jatyr.
Mereıtoılyq sharalar legi ortalyq alańda uly Abaı eskertkishiniń ashylýynan bastaldy. Aýdan basshysy Jarqynbek Baısabyrovtyń bastamasymen Shyńǵystaýdyń ár tarapta júrgen azamattary men demeýshiler qarjysyna boı kótergen, qoladan jasalǵan eńseli eskertkishtiń avtory – jas músinshi Nurbol Qalıev.
Eskertkishtiń ashylýyna Shyǵys Qazaqstan oblysynyń ákimi Danıal Ahmetov, L.Gýmılev atyndaǵy Eýrazııa ulttyq ýnıversıtetiniń rektory Erlan Sydyqov, qoǵam qaıratkeri Hafız Mataev, jazýshy Medeý Sərseke, Talǵat Keńesbaev, ánshi Kenjeǵalı Myrjyqbaı, dástúrli ánshi Gúlmıra Sarına bastaǵan qurmetti qonaqtar qatysty. Budan keıin oblys ákimi aýdandyq kitaphanaǵa baryp, «Rýhanı jańǵyrý» baǵdarlamasy aıasynda «Abaı álemi» serııasymen jaryq kórgen Abaı, Shákárim, Muhtar shyǵarmalary jáne Ámire Qashaýbaev týraly ǵumyrnamalyq eńbekterdi kitaphana ujymyna tartý etti.
Mereıtoıǵa kelgen qurmetti qonaqtar Qaraýyldaǵy aqyn eskertkishine gúl shoqtaryn qoıyp, taǵzym jasady. Erekshe atap óterligi, bul kúni ónerimen, sportymen aty shyqqan aýdan ortalyǵynda kúnine 40 adam sportpen shuǵyldana alatyn, uzyndyǵy 25, eni 8 metr, bes jolaqty basseın ashyldy. Rrtalyq stadıonda Sh.Qudaıberdiulynyń 160 jyldyq mereıtoıy saltanatty túrde ashylyp, «Abaı eli - rýhanııat Mekesi» atty teatrlandyrylǵan mýzykalyq kórinis qoıyldy.
«Bıylǵy jyl - ǵulama Shákárimniń 160 jyldyǵymen mańyzdy. Azattyqtyń arqasynda «aq joldan aınymaı, ar saqtaýdy» ósıet qalǵan aqynnyń ar ilimi bizdiń baǵa jetpes qundy muramyzǵa aınaldy. Shákárim - aqyl men parasat, asqaq rýh pen adal eńbektiń aınasy», dedi saltanatty sharada quttyqtaý sóz sóılegen D.Ahmetov.
Oblys ákiminen keıin sóz alǵan Astanadan arnaıy kelgen L.Gýmılev atyndaǵy Eýrazııa ulttyq ýnıversıtetiniń rektory Erlan Sydyqov Memlekettik hatshy Gúlshara Ábdihalyqovanyń quttyqtaýyn oqyp berdi. Mereıtoılyq sharalar tús aýa Qaraýyl tóbede ulttyq oıyndarmen jalǵasady.
Azamat QASYM,
«Egemen Qazaqstan»
Shyǵys Qazaqstan oblysy,
Abaı aýdany,
Qaraýyl aýyly
Sýretterdi túsirgen - avtor