Jetisýlyq jas oqyrmandar aqyn Tynyshtyqbek Ábdikákimulynyń «Alqońyr dúnıe» atty kitaby týraly pikir almasty. Bas qosý kórnekti aqynnyń óleńderin oqýmen bastalyp, Memlekettik syılyqqa usynylyp otyrǵan kitap jaıynda erkin talqylaýǵa ulasty.
Jalpy, Tynyshtyqbek aqynnyń shyǵarmashylyǵyna jetisýlyq jastar ábden qanyq. Muqym qazaqtyń súıikti aqyny jaıly ystyq yqylasqa toly lebiz bildirgen yntaly jastar «Alqońyr dúnıe» kitabynyń elimizdiń bas marapaty – Memlekettik syılyqqa usynylǵanyna qýanyshty eken. О́ńirdegi ádebı ortanyń kórigin qyzydyryp júrgen jas aqyndar aǵa býynnyń shyǵarmashlyǵy jaıly áńgimelesip turý shyǵarmashylyq baılanysty nyǵaıtyp, ádebıettiń tanymaldyǵyn artyrady degen senimde.
- Búgingi bas qosýda Tynyshtyqbek Ábdikákimulynyń shyǵarmashylyǵyn talqyladyq. Tynyshtyqbek aqyn qazirgi qazaq poezııasyndaǵy qubylys qoı. О́leńderi óte oıly, tereń. О́kinishtisi, aqynyń atyn estigenimen, shyǵarmashylyǵynan habary az jastar da bar eken. Búgingi kezdesýde olar ózderine bir syrly álemniń qaqapasy nashqandaı bolyp otyrdy. Sondyqtan, osyndaı rýhanı bas qosýdyń jıi ótýin qalaımyz, - dep óz oıyn bildirdi jas aqyn, Jazýshylar odaǵynyń múshesi Jangeldi Nemerebaı.
Al Qazaqstan Jazýshylar odaǵy Almaty oblystyq fılıalynyń basshysy, aqyn Erlan Júnistiń uıymdastyrýmen ótken shyǵarmashylyq bas qosý endi turaqty jalǵaspaq.
- Alǵashqy pikirtalasqa Tynyshtyqbek Ábdikákimulynyń «Alqońyr dúnıe» kitaby negiz boldy. Aldaǵy kúnderi Aqushtap Baqtygereva, Marhabat Baıǵut, О́tegen Oralbaev, Ǵalym Jaılybaı sekildi qalamgerlerdiń shyǵarmashylyǵyna qatysty talqylaýlar ótkizýdi de josparlap otyrmyz, - deıdi Qazaqstan Jazýshylar odaǵy Almaty oblystyq fılıalynyń basshysy, aqyn Erlan Júnis.
Qalmahanbet MUQAMETQALI,
«Egemen Qazaqstan»
Almaty oblysy