Aqtóbe oblysy joldarynyń jaǵdaıyna qatysty kóptegen azamattardyń shaǵymdaryna baılanysty Aqtóbede joldar sapasynyń nasharlaý sebebin anyqtaý boıynsha sharalar ótkizilýde.
Osylaısha, aǵymdaǵy jyldyń 16 tamyzynda Memlekettik qyzmet isteri jáne sybaılas jemqorlyqqa qarsy is-qımyl agenttiginiń Aqtóbe oblystyq departamentiniń ókilderi jáne Kóliktik baqylaý ınspeksııasy qyzmetkerlerimen Samara-Shymkent avtokólik jolynda júrgizýshilerdiń júk parametrlerin asyrý faktilerin aldyn-alýǵa baǵyttalǵan birlesken is-shara uıymdastyrdy.
Baqylaý Qurshysaı aýyly mańyndaǵy jyljymaly kóliktik baqylaý beketinde júzege asyryldy.
Memlekettik qyzmet isteri jáne sybaılas jemqorlyqqa qarsy is-qımyl agenttigi Aqtóbe oblystyq departamentiniń bas mamamany Nurbolat Mahmýdovtyń aıtýynsha sybaılas jemqorlyqty aldyn-alý maqsatynda Mártók aýdanynyń «Jaısan» ótkizý beketiniń tusynda ornalasqan avtomattandyrylǵan arnaıy ólsheý iske qosyldy.
«Avtomattandyrylǵan arnaıy ólsheý júıesiniń mańyzdy fýnksııalarynyń biri avtomobıl joldaryn júk kólikteri áserinen bolatyn buzylýdan saqtaý ǵana emes, sonymen qatar olardy ólsheý kezinde paıda bolatyn «jeke baılanys» túrindegi sybaılas jemqorlyq táýekelderin joıý bolyp tabylady.
Osylaısha, júk kólikterin avtomatty túrde ólsheý Qazaqstan Respýblıkasy aýmaǵyna kire beris tustaǵy kóliktik ınspeksııa qyzmetkerleriniń barlyq marshrýttar boıynsha negizsiz tekserisin boldyrmaıdy», - dedi N.Mahmýdov.
Aldaǵy jyly avtomattandyrylǵan arnaıy ólsheý júıesin «Álimbet» ótkizý beketiniń tusyna ornalastyrý kútilip otyr, bul óz kezeginde júk tasymaldaýshylar men kóliktik baqylaý ınspeksııasynyń qyzmetkerleri arasynda týyndaıtyn sybaılas jemqorlyq táýekelderine jol bermeıdi.
Sonymen qatar, shara barysynda «Joldaǵy qabyldaý» aksııasy ótkizilip, júk tasymaldaýshylarǵa sybaılas jemqorlyq taqyrybynda aqparattyq jadnamalar taratylyp, sybaılas jemqorlyqty aldyn-alý suraqtaryna qatysty túsindirme jáne konsýltasııalar berildi.
Temir Qusaıyn