Sportshy-shańǵyrollershiler Bolgarııada «Sıven» kýbogyn jeńip aldy, dep habarlaıdy QR Ulttyq shańǵy jarysy federasııasynyń baspasóz qyzmeti.
Bolgarııada shańǵyrollerden ótken halyqaralyq jarysta Oljas Klımın, Anna Shevchenko, Valerııa Tıýleneva jáne Gúlsına Qadyrova «Sıven» kýbogyn jeńip aldy. Jyl saıyn ótetin halyqaralyq dodaǵa qazaqstandyq sportshylardan bólek Reseı men Bolgarııanyń ókilderi de qatysty.
«Aǵymdaǵy jylǵy «Sıven» kýbogynyń qorytyndysy boıynsha komandanyń jaqsy fızıkalyq formada ekendigin, maýsymnyń osy kezeńinde alǵa qoıylǵan mindetterge saı keletindigin aıta alamyn. Osy jyly jarysqa úsh elden 120-dan astam sportshy qatysty. 9 ret jeńiske jettik, onyń tórteýi birinshi oryn. Bul jaqty nátıje», deıdi komandanyń aǵa sporttyq menedjeri Aleksandr Batıaıkın.