Muǵalimder toltyrýǵa mindetti 5 qaǵaz-qujattyń tizimi bekitildi. Basqa qujattarǵa muǵalimder jaýapty bolmaıdy. Bul týraly búgingi Úkimet otyrysynda Bilim jáne ǵylym mınıstri Erlan Saǵadıev málim etti.
«Jańa oqý jylynyń qarsańynda muǵalimniń jumysyn jeńildetýge baǵyttalǵan sharalar qabyldandy. Birinshiden, esterińizde bolsa, byltyrdan beri muǵalimderdi úı aralatýdan alyp tastadyq. Mekteptiń reıtıngi de alyndy. Endi mınıstrlik muǵalim jumysyn jeńildetý úshin óz tarapynan pedagogtar toltyrýǵa tıis qujattar tizbesin alǵash ret bekitti. Ol tek bes qujat. Odan basqa muǵalimderden eshqandaı qaǵaz, qujat suralmaýy tıis», - deıdi Erlan Saǵadıev.
Úkimet otyrysynan keıin baspasóz máslıhatyn ótkizgen Bilim jáne ǵylym vıse-mınıstri Ashat Aımaǵambetov mektep muǵalimderi toltyrýǵa mindetti 5 qujattyń tizimin aıtyp berdi.
«Naqtyraq aıtsaq, olar - kúntizbelik-taqyryptyq josparlaý, sabaq boıynsha josparlaý, krııterıılik baǵalaý, kúndelik jáne synyp jýrnaly. Jalpy, kúndelik pen jýrnal boıynsha qazir sıfrlandyrý júrip jatyr», - deıdi Ashat Aımaǵambetov.