Baqytjan Saǵyntaev Úkimet otyrysynda egin jınaý jumysynyń ýaqytyly aıaqtalýyn baqylaýǵa alýdy tapsyrdy, dep habarlaıdy QR Premer-Mınıstrliginiń baspasóz qyzmeti.
QR Premer-Mınıstriniń orynbasary – aýyl sharýashylyǵy mınıstri О́mirzaq Shókeev pen oblys ákimderiniń baıandamasyn tyńdaǵan soń, Premer-Mınıstr jaýyn-shashynnyń áserinen negizgi astyq egetin óńirler byltyrǵy jylmen salystyrǵanda egin jınaý kestesinen 20-25%-ǵa qalyp kele jatqanyn aıtty.
Baqytjan Saǵyntaev qazirgi aýa-raıyn qoldanyp, egin jınaý jumysyn ýaqytyly aıaqtaýdy tapsyrdy.
Energetıka mınıstrligine óńirlerge qosymsha janar-jaǵarmaı bólýdi, Aqmola oblysy ákimdiginiń qazan aıyndaǵy beriletin janar-jaǵarmaıyn qyrkúıekte bólý týraly usynysyn qarastyrý QR Premer-Mınıstriniń birinshi orynbasary A.Mamınniń baqylaýyna berildi.
Egin jınaý jumysyn úılestirý men ony kúndelikti baqylaý Premer-Mınıstrdiń orynbasary – aýyl sharýashylyǵy mınıstri О́mirzaq Shókeevke tapsyryldy.