Qostanaı oblysynda astyq úshin arpalys qyzyp jatyr. Búginge deıin dıqandar qambaǵa 3 mıllıon tonna altyn dán quıdy.
Bul barlyq egis alqabynyń 73 paıyzy bastyrylyp boldy degen sóz. Gektar aınalysy ortasha 10,6 sentnerden aınalýda. Oraqty aldymen oblystyń ońtústik óńirindegi Jangeldın aýdany ǵana aıaqtady. Jınalǵan astyqtyń 2,5 mıllıon tonnasy bıdaı. 108 myń gektar alqaptyń maıly daqyldary da jınaldy.
Astyqqa attanys bastalǵaly oblys óńirinde aýyq-aýyq jańbyr jaýyp tur. Bul dıqandar qımylyn amalsyz shabandatady. Búginge deıin Uzynkól, Sarykól, Qarabalyq, Altynsarın aýdandarynda alqaptyń nebári 64-67 paıyzy jınalyp alyndy. Ylǵaldyń mol túsýi dıqanǵa da, tehnıkaǵa da qolbaılaý. Degenmen, qazan aıynyń birine deıin egis alqabynyń barlyǵy derlik jınap-terilip alynatynyna dıqandar senimmen qaraıdy.
Názıra JÁRIMBET,
Qostanaı oblysy