Keden odaǵynda karamel óndirýshilerdiń ekonomıkalyq múddelerin qorǵaý jónindegi sharalar týraly
ShEShIM
2010 jylǵy 19 qarashadaǵy О́tpeli kezeń ishinde arnaıy qorǵaý, dempıngke qarsy jáne ótemaqy sharalaryn qoldaný tártibi týraly kelisimge sáıkes Keden odaǵy komıssııasy sheshti: 1. 2014 jylǵy 7 shildeni qosa alǵandaǵy merzimi boıynsha Keden odaǵynyń biryńǵaı keden aýmaǵyna ákelinetin 1704 90 710 0, 1704 90 750 0, 1806 90 500 1, 1806 90 500 2 KO SEQ TN kodtarymen jikteletin karamel 1000 kılogrammy úshin 294,1 AQSh dollary mólsherinde arnaıy baj salyǵy belgilensin. Kórsetilgen arnaıy baj salyǵyn qoldaný maqsatynda taýar KO SEQ TN kodtarymen, sondaı-aq taýardyń ataýymen aıqyndalady. 2. Osy Sheshimmen belgilengen arnaýly baj salyǵynyń áreketi damýshy Qytaı Halyq Respýblıkasyn (Taıvan jáne Qytaıdyń arnaıy ákimshilik aýdandary Gonkong pen Makaony qosa alǵanda) jáne Týrkııa Respýblıkasyn qospaǵanda, Keden odaǵynyń tarıftik preferensııalar júıesin paıdalanýshylar-shyǵarylatyn elderden karamel ákelýge qoldanylmaıdy. 3. Belarýs Respýblıkasy Memlekettik kedendik komıteti, Qazaqstan Respýblıkasy Qarjy mınıstrliginiń Kedendik baqylaý komıteti, Federaldyq kedendik qyzmetke osy Sheshimmen belgilengen arnaýly baj alýdy qamtamasyz etsin. 4. Osy Sheshimniń 1-tarmaǵynda kórsetilgen taýardy ákelýge qatysty Qazaqstan Respýblıkasynda belgilengen qorǵaý sharasy osy Sheshim qoldanysqa engizilgennen keıin óz áreketin toqtatady. 5. Osy Sheshim onyń resmı jarııalanǵan kúnnen keıin kúntizbelik otyz kún ótken soń qoldanysqa engiziledi. Belarýs Respýblıkasynyń Úkimeti atynan S.RÝMAS. Qazaqstan Respýblıkasynyń Úkimeti atynan О́.ShО́KEEV. Reseı Federasııasynyń Úkimeti atynan .ShÝVALOV.