Búgin - 1878 jyldyń 1 qazanynda qazirgi Qostanaı oblysy Meńdiqara aýdanynda dúnıege kelgen Spandııar Kóbeevtiń 140 jyldyǵy.
Qazaq jazýshysy, qoǵam qaıratkeri, aýdarmashy, pedagog Spandııar Kóbeev Ybyraı Altynsarın ashqan qazaq-orys mektebinde saýat ashyp, Qostanaıdaǵy bastaýysh synyp muǵalimderin daıyndaıtyn ýchılıshede bilim alǵan. Ybyraı Altynsarınniń izin qýyp, jolyn jalǵastyrǵan Spandııar Kóbeev balalarǵa orys tili men ádebıetin oqytqan. Tuńǵysh kitaby "Úlgili tárjime" degen ataýmen 1910 jyly Qazanda baspa betin kórdi.
Ustazy Y.Altynsarınniń izimen balalarǵa arnalǵan oqý quralyn jazýdy qolǵa alǵan S.Kebeev 1912 jyly Qazan qalasynda "Úlgili bala" kitabyn bastyrady. Bastaýysh synyp balalaryna arnalǵan bul oqýlyqta ol óziniń tól shyǵarmalaryn, orys klassıkteriniń balalarǵa arnalǵan ádebıet úlgilerin, qazaqtyń aýyz ádebıeti túrlerin, orys mysalshylarynyń eńbekterin kirgizdi. Nadandyqqa, eskishil, soraqy saltpen kúresý maqsatynda aǵartýshyǵa kómekshi quraldardyń biri - kórkem ádebıet dep berik sheshimge kelgen Spandııar Kóbeev "Qalyń mal" romanyn jazady.
1939 jyly ol oqý-aǵartý salasyndaǵy uzaq jylǵy eńbegi úshin Lenın ordenimen marapattaldy.
1944 jyly "Qazaq KSR-na eńbegi sińgen múǵalim" ataǵy berildi.
1949 jyly ekinshi ret "Lenın" ordenin keýdesine taqqan.