Qyrǵyzstannyń Osh qalasynda ótip jatqan II qazaq-qyrǵyz zııalylary forýmynda Halyqaralyq Túrki akademııasynyń (TWESCO) qoldaýymen jaryq kórgen «Aıtmatov. Imperııanyń sońǵy jazýshysy» atty kitaptyń tanystyrylymy ótti.
Shyńǵys Aıtmatovtyń týǵanyna 90 jyl tolýyna oraı ázirlengen kitaptyń avtory - Qyrǵyzstannyń memleket jáne qoǵam qaıratkeri, ǵalym, ádebıet synshysy Osmankýn Ibraımov. Kitap Shyńǵys Tóreqululynyń ómiri men shyǵarmashylyǵyna arnalǵan. Avtor Shyńǵys Aıtmatov tulǵasyn, jeke taǵdyry men ádebı shyǵarmashylyǵyn, saıası kózqarastary men áleýmettik paıymdaryn HH ǵasyrmen tyǵyz baılanystyra sýrettegen. Ádette mundaı tulǵalardy «dáýir - adam» dep te baǵalap jatady. Sondyqtan kitap avtory Aıtmatov shyǵarmashylyǵyn sıpattaı kele jazýshynyń Keńes Odaǵy kezindegi qoǵamdy, onyń qundylyqtary men birqatar erekshelikterin, sol dáýirdegi adam taǵdyryn sýrettegen sheberligine nazar aýdarǵan.
TWESCO-nyń qoldaýymen jaryq kórgen kitaptyń tusaýkeseri bıyl kóktemde Astana qalasynda ótken «Aıtmatov taǵylymy» atty birinshi qazaq-qyrǵyz zııalylary forýmynda uıymdastyrylǵan bolatyn. Keıin Bishkek qalasynda atalǵan kitaptyń tusaýkeseri uıymdastyrylǵan edi. Al, qazaq-qyrǵyz zııalylary II forýmynda kitapty Osh ýnıversıtetinde tanystyrýmen qatar, ony atalǵan oqý ornynyń kitaphanasyna tabys etý rásimi de ótti.