Pavlodarda kómirdi tasymaldaýmen 300-ge jýyq shaǵyn jáne orta kásipkerlik oryndary aınalysýda

Al, oblys ortalyǵynda «Elıt KZ», «A-Vest Pavlodar» jáne «Sever-Energoýgolsnab» JShS-tary jetkizilgen kómirdi satýda. Janar-jaǵar maı otynynyń baǵa turaqsyzdyǵyna oraı, kómir baǵasy da turaqty rettelmeı, ózgerip turýy da múmkin.

Basqarma mamandaryn aıtýynsha, kómirdiń baǵasyn kenishter bekitedi. Qazir ákimdiktermen kómir jetkizý boıynsha kelisisharttar jasaldy. Mysaly, «Maıkóben-Vest» JShS bıyl kómirdiń 1 tonnasyn 6500 teńgege ótkizbekshi. Kómir qory erkin saýdada jetkilikti. Qaraǵandydaǵy Shubarkóldiń kómiriniń tonnasy 17 myń teńge, Maıkóbe kómiri 12 myń teńge. Turǵyndar Semeıdiń Qarajyra kómir kenishiniń de kómirin tutynady.

О́ńirdegi kómir satý qorlarynda qazir 18 myń tonna kómir bar, onyń 14,2 myń tonnasy - qońyr kómir, 3,8 myń tonnasy – tas kómir. Aýyldardyń alys-jaqyndyǵyna qaraı, kómirdiń túri, sapasyna saı bir tonnasy 6800-17000 teńge aralyǵynda turady. Kómir saýdalaıtyn seriktestikterdiń tıisti sertıfıkattary bar, salyq, emıssııa syndy mindetti tólemderdi jasaıdy. Atalǵan saýda oryndary kómirdi ákimdik usynǵan baǵa boıynsha satady.

Basqarma mamandary turǵyndarǵa kómirdi erterek alýdy eskerttik. Qazir óńirdiń qala-aýdandaryndaǵy kómir satatyn oryndar tolyp tur. Qajet bolǵan jaǵdaıda taǵy da jetkiziledi,-deıdi.

Mysaly, Sharbaqty aýdanyndaǵy áleýmettik sala nysandarynyń 35-i kómirmen, 12-i elektr qýaty arqyly jylytylady. Bul kúnderi aýdandaǵy bul nysandar 14 235 tonna kómirmen qamtamasyz etildi. Barlyq jumysshylardyń qazandyq jabdyǵymen jumys jasaýǵa ruhsat beretin qujattary da bar.

Kommýnaldyq-turmystyq sala men aýyl, qala turǵyndaryn kómirmen qamtamasyz etý úshin oblystyq ákimdik arnaıy Jol kartasyn bekitti. Bul máselege jaýaptylar men negizgi sharalar belgilendi.

málimetinshe, óńirdegi áleýmettik sala nysandarynyń qazandyqtaryna aldaǵy qysqa 141 myń tonna kómir satyp alý úshin 1,4 mlrd teńge qarastyrylypty.

Farıda BYQAI,

«Egemen Qazaqstan»

PAVLODAR