QR Adam quqyqtary jónindegi ýákil Asqar Shákirov QR Premer-Mınıstri Baqytjan Saǵyntaevqa joldaǵan úndeýinde atqarýshy bılik organdarynyń ulttyq quqyq qorǵaý mekemesimen ózara is-qımylyn oń sıpattady, dep habarlaıdy QR Adam quqyqtary jónindegi ýákil apparatynyń baspasóz-qyzmeti.
Kórneki mysal retinde jabyq mekemeler monıtorınginde Ombýdsmenniń úılestirýshi róli kezinde memlekettik organdar men azamattyq sektordyń yntymaqtastyq tájirıbesi keltirilgen; QR Eńbek jáne halyqty áleýmettik qorǵaý mınıstrligimen birlesip múmkindigi shekteýli jandardyń quqyqtaryn qorǵaý máseleleri boıynsha talqylaý jáne sharalar ázirleý úshin dıalog alańyn qurý; BUU Balalar qorynyń (IýNISEF) Qazaqstandaǵy ókildigimen birlesip balalarǵa qatysty zorlyq-zombylyq problemasyna keshendi zertteý júrgizý.
Joǵaryda kórsetilgen ózara is-qımyl formatyndaǵy jumys nátıjeleri halyqaralyq uıymdarmen moıyndalǵan jáne basqa elderde iske asyrý úshin usynylǵan.
Sonymen qatar Ombýdsmen Úkimet basshysynyń nazaryn júıeli sıpatqa ıe onyń úndeýleri men usynymdaryn Ortalyq memlekettik organdarmen birneshe ret tıisinshe qarastyrmaǵandyǵyna aýdardy.
Osyǵan baılanysty ulttyq quqyq qorǵaý mekemesiniń úndeý hattary azamattardyń shaǵymdary men ótinishteriniń taldamasynan negizdelgeni, sondaı-aq Qazaqstan Respýblıkasy Prezıdentiniń bastamashylyq jasaǵan iri memlekettik baǵdarlamalar sheńberinde tapsyrmalaryna tikeleı saı keletin nysanaly usynystardy qamtylǵany atap ótildi.
Osylaısha, aǵymdaǵy jyldyń 5 qazanynda Memleket basshysynyń Qazaqstan halqyna Joldaýynda ázirleýdi tapsyrǵan «Jol kartasyna» mektepke deıingi mekemelerdiń qyzmetin jetildirýdiń naqty usynymdary Úkimetke qaraý úshin usynyldy.
Buǵan deıin basqa da ózekti máseleler boıynsha, atap aıtqanda, «Altyn alqa» alqasymen marapattalǵan kóp balaly analardyń memlekettik turǵyn úı qorynan birinshi kezekte turǵyn úı alý quqyǵyn iske asyrýda quqyqtyq kollızııany joıý, sondaı-aq turǵyn úıi belgilengen sanıtarlyq-epıdemıologııalyq jáne tehnıkalyq talaptarǵa saı kelmeıtin azamattardy esepke qoıý máseleleri boıynsha úndeý hattar jiberilgen bolatyn.
Adam quqyqtary jónindegi ýákildiń alańdaýshylyǵy jekelegen memlekettik organdardyń usynylǵan usynystarǵa anyq jáne ýaqytyly jaýaptyń, sondaı-aq úlken áleýmettik mańyzy bar jáne keń qoǵamdyq rezonans týdyratyn máselelerdi sheshý jónindegi negizdelgen ustanymnyń bolmaýyna baılanysty týyndady.
Joǵaryda aıtylǵandarǵa baılanysty Ombýdsmen Premer-Mınıstrge qoldanystaǵy zańnama sheńberinde bıliktiń atqarýshy organdary men ulttyq quqyq qorǵaý mekemesiniń ózara is-qımylynyń tıimdiligin arttyrý jóninde qajetti tapsyrmalar berý týraly ótinishimen júgindi.