Prezıdent Ákimshiliginiń kelisimimen, oblys ákiminiń ókimine sáıkes, Mańǵystaý oblysy ákiminiń orynbasary bolyp Nurdaýlet Qılybaı taǵaıyndaldy.
Nurdáýlet Igilikuly Qılybaı 1978 jyly Mańǵystaý oblysy Beıneý aýdanynda dúnıege kelgen, bilimi joǵary, «tasymaldaýdy uıymdastyrý jónindegi ınjener», «qarjy jáne qarjy quqyǵy» mamandyqtary boıynsha bitirgen. 2018 jyly AQSh Boston qalasynda Stafford House halyqaralyq mektebinde bilim alǵan.
Eńbek jolyn 1999 jyly Mańǵystaý tasymaldaý bólimshesi stansııasynyń kezekshisi qyzmetinen bastaǵan. Keıin Astana stansııasynda kirme joldary boıynsha júkterdi qabyldap-tapsyrýshy, «QTJ» UK» aksıonerlik qoǵamynynyń bas mamany, bólim bastyǵy, magıstraldy jeliler dıreksııasy basqarýshysynyń kómekshisi qyzmetterinde boldy.
2005 - 2009 jyldar aralyǵynda Qazaqstan Respýblıkasy Kólik jáne kommýnıkasııalar mınıstrliginiń Kólik jáne qatynas joldary komıtetiniń bólim bastyǵy, basqarma bastyǵy, tóraǵanyń orynbasary.
2009 – 2010 jyldary «Vokzal-servıs» AQ prezıdenti, «QTJ» UK» AQ Jolaýshylardy tasymaldaý jónindegi basqarýshy dırektory boldy.
2010 – 2011 jyldary Qazaqstan Respýblıkasy Kólik jáne kommýnıkasııalar mınıstrliginiń Kólik jáne qatynas joldary komıtetiniń tóraǵasy qyzmetin atqardy.
2011 - 2012 jyldar aralyǵynda «QTJ» UK» AQ prezıdentiniń keńesshisi, keıin osy aksıonerlik qoǵamnyń Mańǵystaý joldary bólimshesi fılıalynyń dırektory.
2012 – 2013 jyldary Qazaqstan Respýblıkasy Kólik jáne kommýnıkasııalar mınıstrliginiń Kólik jáne qatynas joldary komıtetiniń tóraǵasy qyzmetinde boldy.
2013 – 2017 jyldary «QTJ» UK» AQ apparat basshysy - atqarýshy dırektory, «QTJ» UK» AQ atqarýshy dırektory - «Jolaýshylar tasymaldaý» AQ prezıdenti.
2017 jyldyń qarasha aıynan bastap qazirgi ýaqytqa deıin «Temirjolsý» AQ Bas dırektory – Basqarma tóraǵasy qyzmetin atqardy.
Gúlaıym ShYNTEMIRQYZY,
«Egemen Qazaqstan»
Mańǵystaý oblysy