Prezıdenttik olımpıadadan oljaly oraldy

Atalǵan jarysta Astana qalasynyń Raıymbek batyr atyndaǵy №50 «Qazǵarysh» mektep-lıseıinen qatysqan 11 «A» synyp oqýshysy Nurshat Jumahan oza shaýyp, júldeli 2-oryn jáne kúmis medal ıege­­ri atandy.

Bilim jáne ǵylym mı­nıs­t­r­­­liginiń málimetinshe, olım­pıadanyń alǵashqy aı­maqtyq kezeńine 2461 oqýshy qatysqan. Qatysýshylarǵa be­rilgen tapsyrmalar jıyn­ty­ǵy joǵary halyq­aralyq standart­tar­ǵa sáıkes daıarlanǵan. Bi­rinshi kezeńniń qorytyndysy boıynsha elimizdiń barlyq aımaǵynyń 407 mektep bi­tirý­shisi on-line rejiminde ótkizilgen olım­pıa­­danyń qashyqtyq ke­zeń­ine qatysyp, olardyń 161-i ja­rystyń qorytyndy kezeńine joldama alǵan. 

«Bul olımpıada negizinen 3 kezeńnen turady. Alǵashqy ekeýinen ótip, júzden júırik, myńnan myqty shyqqandar respýblıkalyq jarysqa joldama alady. Osy jolǵy saıys ózime qıyn boldy. Sebebi bul olımpıada bolsa da UBT sııaqty tekserý jaǵy da, baqylaýshylar da qatal. Synaqty negizgi 4 pán boıynsha tapsyrdyq. Onyń ishinde fızıka, matematıka, hımııa, bıologııa bar. Aıta ketetin taǵy bir jaıt, bul olımpıada tek mektep bitirýshi túlekterge arnalǵan. Men ózim fızıka-­matem­atıka pánin tańdap, bola­shaqta osy salada muǵalim bolsam degen oıym bar. Maǵan una­ǵan taǵy bir nárse, atalǵan olımpıadanyń Temirtaý qala­syn­da ótýi. Sebebi Elbasy Nursultan Nazarbaev eńbek jo­lyn osy shahardan bastaǵan. Bul bolashaq ómirimizge úlken senim men serpin berdi. Osy be­­lesti ustazdarymnyń bergen biliminiń, jaqyndarymnyń art­qan úmitiniń, mektebimniń ma­ǵan degen seniminiń arqasynda baǵyndyrdym», deıdi Raıymbek ba­tyr atyndaǵy №50 «Qaz­ǵarysh» mektep-lıseıi­niń 11-­­synyp oqýshy­sy Nurshat Jumahan.­

Qazylar alqasynyń sheshimi boıy­n­sha altyn medaldar jáne I dárejeli dıplomdarmen 8 qatysýshy, II dárejeli dıplom­dar jáne kúmis medaldarmen 12 qatysýshy, III dárejeli dıplomdar jáne kúmis medaldarmen 18 qatysýshy marapattalǵan.

Raýan QAIDAR,

«Egemen Qazaqstan»