Qazaq ádebıetiniń klassıgi Sherhan Murtazanyń shoqtyǵy bıik shyǵarmalary oqyrman qaýymnyń baǵa jetpes qazynasy. Al, jas urpaqqa Sheraǵa shyǵarmashylyǵyn nasıhattaý, qazaq qara sóziniń qasıetin tanytý búginde basty maqsat. Osy oraıda Elbasynyń «Uly dalanyń jeti qyry» maqalasyn iske asyrý boıynsha Taraz ınnovasııalyq-gýmanıtarlyq ýnıversıteti «Sherhantaný» ǵylymı-zertteý ortalyǵynyń uıymdastyrýymen Taraz qalasynda oqýshylar arasynda oblystyq dástúrli «III Sherhan oqýlary» bolyp ótti.
Sherhan Murtaza shyǵarmashylyǵynyń arnasy keń. Jazýshynyń «Qyzyl jebe», «Internat nany», «Myltyqsyz maıdan» sııaqty shyǵarmalary shynaıylyǵymen erekshe. Sonymen qatar, qalamger týyndylarynyń urpaq tárbıesinde de alatyn oryny bólek. Jazýshy shyǵarmalaryn mánerlep oqý boıynsha oblystyq kezeńge 97 oqýshy qatysty. Baıqaý tórt baǵyt boıynsha ótti. «Juldyzy nurly sýretker» baǵyty boıynsha birinshi oryndy Nurgerim Nurlan jeńip alsa, ekinshi oryndy Nurjan Asan, Venera Jambyl, Aıgerim Qýanyshhanova, al, úshinshi oryndy Laýra Qıas ıelendi.
Al, «Rýh pen namystyń tóresi» baǵyty boıynsha birinshi oryndy Medet Batyrhan, ekinshi oryndy Kamıla Danagúl, Kamıla Altynbek, Sembek Dýman, úshinshi oryndy Álisher Narembaı, Álisher Tekebaev, Aslan Nurjasar, Begim Meńdibaev syndy jas talaptar oljalady. Sonymen qatar, «Zaý tulǵa» kezeńinde Aıgúlim Jaılybek úzdik atansa, ekinshi oryn Aıgerim Músilim, Aıaýlym Sársenova jáne Dıana Kópekova, úshinshi oryn Toǵjan Azat, Salamat Osaly, Aıaýlym Aıajanova, Ǵalymjan Tákenovke buıyrdy. Sońǵy baǵyt «Sherhan Murtaza murasy» kezeńinde Balym Bımurat jazýshy shyǵarmalaryn shynaıy oqýymen erekshelenip, birinshi orynǵa ıe bolsa, ekinshi oryn Janel Nyshanbaı jáne Uldana Suńǵatova, úshinshi oryn Nursultan Begasylov, Arýjan Júnisbaı, Ulmeken Jadyraǵa berildi.
Aıta keteıik, ekinshi kezeńge 14 oqýshy jiberilgen bolatyn. Berilgen test suraqtary nátıjesinde eń úzdik shyqqan T.Rysqulov aýdanynan kelgen Nurgerim Nurlan atalǵan ýnıversıtet grantyn, Talas aýdanynan kelgen Venera Jambyl 50 paıyzdyq, al Merki aýdanynan kelgen Balym Bımurat 25 paıyz oqý tólemaqysy jeńildigin jeńip alyp, jeńimpazdarǵa jeńildikterdiń sertıfıkattary tabys etildi.
Hamıt ESAMAN,
«Egemen Qazaqstan»
Jambyl oblysy