Qalıǵumar Qabdeshov – qazaqtyń belgili fotosýretshileriniń biri. Birneshe halyqaralyq, respýblıkalyq fotokórmelerdiń júldegeri. Keńes ókimeti kezinde sheteldermen yntymaqty baılanys ornatýmen shuǵyldanatyn «Dostyq» qoǵamy arqyly uıymdastyrylǵan sýret kórmelerimen Úndistan, Bolgarııa, Rýmynııa, Chehoslovakııa jáne t.b. memleketterde bolǵan.
1964 jyldan bastap sýretteri aýdandyq, oblystyq, respýblıkalyq basylymdarda, onyń ishinde «Sosıalıstik Qazaqstan», «Kazahstanskaıa pravda», «Qazaq ádebıeti» gazetterinde, «Mádenıet jáne turmys» jýrnalynda jıi shyǵyp turypty. 1974 jyldan Qazaqstan Jýrnalıster odaǵynyń áıgili «Jýrnalıst» fotostýdııasynda qyzmette bolyp, fotoobektıvimen talaı-talaı taǵylymy mol qas-qaǵym sátti qalt jibermeı qaǵyp alyp júrgen...
– 1981 jyldyń aqpan aıy edi, – deıdi bizben áńgimesinde oı kózimen ótken kúnderdiń tereń syryna úńilgen Qalıǵumar aǵa ańqyldaı sóılep. – Máskeýde Keńes Odaǵy Kompartııasynyń XXVI sezi ótip jatqan. Sezge men Almatydaǵy «Jýrnalıst» fotostýdııasy atynan bardym. Delegattar «Moskva» qonaq úıine ornalasqan. Men myna sýretti túsirerde sonda júr edim. Bir ýaqytta qarasam, anadaıdan Shyńǵys Aıtmatov pen Rasýl Ǵamzatov kele jatyr eken! Sodan aldarynan shyǵyp, asyǵys obektıvke alýǵa nıettengenimmen, meni baıqasa da, ol kisilerdiń toqtaıtyn túri kórinbedi, janymnan tezdetip óte shyqty. Sol kezde sońdarynan júgire jóneldim de, aıaq astynan boıyma barynsha batyldyq bitip:
«Shyńǵys aǵa, men ózińiz jaqsy kóretin Qazaqstannan kelgen fototilshimin, Sizderdeı adamzattyń asyldaryn, osy zamannyń ǵulamalaryn túsirmegende, biz kimdi túsiremiz?!» dep daýystadym. О́ıtkeni mundaı múmkindikti jiberip alsam, ómir boıy ókiner edim. Osy sátte Shyńǵys aǵa kilt toqtaı qaldy da, «Rasýl, qoı, myna baýyrymyz, qazaq jigitiniń betin qaıtarmaıyq. О́ziniń sózi ózgeshe jaqsy eken!» dep jarqyldaı kúldi. Mynaý sol sýret, ortada turǵan zaıybym.
Jalpy, bul sýret baspasózde jarııalanbaǵan eken, tek birneshe ret avtordyń jeke kórmelerine ǵana qoıylypty.
Berikbaı QADYQOV,
jýrnalıst
Almaty oblysy,
Qarasaı aýdany