Chırıme Ústińnen shalımar ańqyp, Kirpigińe kún shaǵylysyp, Aıaǵyńnyń astynda aı terbelip, Qońyr túnge jutyldyń, Dereksiz... Seniń sezimińdi, Hám meniń sezimimdi Sáýir búrshigine baılap qoıǵan kim? Alystan talyp jetti qulaǵyma, Áýen de emes án de emes... Aıǵaı qum... Jesir túndi oınas qylǵan, Jetim kúndi aldaǵan, Meniń ańǵalaq nápsimdeı – Ýaqyt ótip barady, Ýaqyt – meniń aıaýly shaǵym, seniń aıaýly shaǵyń... alysta ajal bıin bıleıdi, bı degenim Ol emes... saǵym... hat jazasyń dármensiz, hat jazamyn dereksiz, jazasyn ótegen quldaı, myń jyl boıy – ómir súrdiń sen mensiz, ómir súrdim men sensiz, bir álemde,
bir aıaldamada, parallel joldan júrgenbiz. Ústińnen shalımar ańqyp, Kirpigińe kún shaǵylysyp, Aıaǵyńnyń astynda aı terbelip, Qońyr kúzde sen jyladyń sebepsiz. Al, Men... qarashada qaıyrsyz, Qońyr túnge jutyldym, Dereksiz...
Pessımıstik oılar
Bir ózennen qulap aqqan oılarym,
Tórt tarmaqqa bólindi.
Jırenimdi mamaǵashqa baıladym,
Jeńildim...
Iire-ıire,
tútelendi úmitim,
Joǵalypty tumarym.
Ər kez saıyn qaıtalanyp óli tún,
Azaptaıdy qumarym!
Bir qorqynysh kóńilime ornaıdy,
Iesindeı páterdiń!
Bozala tań azan daýsy sarnaıdy,
Sen aqyryn jóteldiń.
Meni ózine baýraıdy da turady,
Iesi joq tabyttar!
Keshe bireý sebepsizden jylady,
Qorqynysh joq, qaýip bar.
Men ylǵı da Mýnk salǵan bas kórem,
Aıqaıy tym jańǵyryq!
Oý, aǵaıyn bərińizge as berem,
Bir kitapqa kóshken kúni máńgilik.
Saspens
Kóz aldymda sáýlenenip kósheler, kirpigimnen kempirqosaq shashyrap, bultsyz aspan astynda, nópir halyq arasynda, adasyp baram, ońtústikke bararym belgisiz, soltústúkke bararym belgisiz, batys ne shyǵysqa bararym belgisiz, qarańǵy tuman arasynda qalqyp baram, bir kezde adam sengisiz, jańǵyrǵan daýysqa jalt qaraımyn, kesilgen basty kórem ántek jymıǵan... bul álgi... aınymaıdy saıtannan, bul álgi.. aınymaıdy sulýdan...
jasyl tuman arasynda sabylyp, kóz bostandyǵy júr, sóz bostandyǵy júr, oı bostandyǵy júr, aqymaq bastan tabylyp... úırilgen bult keledi qasyma, biraq bir tamsyshysy da jaýmaıdy, bul álgi meni bosatyp alǵan, aıaǵymdy kóz jasymen jýyp, shashymen keptirgen, kúnáhar áıelden aýmaıdy.
olar rahatyn kórip júr, bular tistelgen alma terip júr... Ashylmaǵan altynshy esikti, oılarym júr syǵalap, nópir halyq arasynda adasyp qalam, keıde eski úılerdi ketemin aralap.
japyraq kóleńkesine asylyp, Mýnktyń «aıqaıy» qaraıdy, rasynda ol sulý áıel eken, tym bolmasa ózin osylaı sanaıdy, bul álgi... aınymaıdy saıtannan, bul álgi.. aınymaıdy sulýdan... ketik taraqpen – óspegen shashyn taraıdy.
Kóz aldymda sáýlenenip kósheler, jaýmaǵan jańbyr astynda, janarymnan kempirqosaq shashyrap, aıaǵymnyń astyna soqpaq jol bop tóseler, Beıkúná kózqaras, kinásiz kóz jasy – Sen meni keshe gór, sen meni keshe gór!
mkr. QALQAMAN Olar... Saýyp iship armanyn, Jalǵannan úmitin úzbegen. Olar... Qulatpaı qısaıǵan qorǵanyn, Ǵumyr súrip keledi bizbenen! Olar... Jymyńdaǵan ottardy qyzyqtap, Gúldendiredi, kórkeıtedi Otandy! Olar... Kabaktarda qyzyp qap, Sóılemeıdi bet aldy. Olar... Aqyndy da əkimdi de bilmeıdi, Saıasatyń bir tıyn! Olar... Jıi-jıi kúlmeıdi, Kóshedegiler... sur kıim... Olar... Turyp keledi, súrip keledi ómirin, Bir aýlada bir aýyldyń balasy. Tipti bar ǵoı kirletpegen kóńilin, Aýzynda bar Allasy men tobasy. Olar... Keshe jumysqa barmaǵandaı aıaldamaǵa asyǵady, Olar... Túnde eshteńe bolmaǵandaı, kólkildep isken kózderin, jastyqqa tamǵan sózderin, Qoǵamnan jasyrady.
***
Bizdiń ǵasyr sıtatalar ǵasyry, Bul ózi aqymaqtaý asyly... Úrpek basty oılarymdy qaıteıin, Qoıý túnde keletuǵyn jasyryn. Mı ishinde suraq jatyr kópirip, Til sóıleıdi minberlerden lepirip. Júrek otyr syra ishinen syǵalap, Azǵan jurtqa aqyl aıtpaq kekirip. Ozǵan elde kósh bastaǵan atalyq, (Endi, mine, qaryn sıpap jatalyq) Baıtal shaýyp báıge alǵan kezinde, О́z túsimnen oıanamyn qaqalyp. Ary-beri sabylysyp... Oı aqqan... Semiz sózden syǵyp qalsań maı aqqan. Bir kekilik qonyp apty shatyrǵa, О́zi sondaı qoryqpaıdy taıaqtan. Bizdiń ǵasyr kósem sózder ǵasyry, Kerenaýlaý mıtyńdaıdy aqyryn... Myna álem aqıqatty kútip júr, О́tiriktiń jaryp shyǵar jatyryn.