Aqtóbede múmkindigi shekteýli jandardy qoldaý úshin «Biz birgemiz!» atty dástúrli saltanatty shara ótti. Osy jyly bul shara múgedektigi bar adamdar arasynda belsendi ómir súrý saltyn nasıhattaýǵa baǵyttaldy, dep habarlady Aqtóbe oblysy ákiminiń baspasóz qyzmeti.
Sharany múmkindigi shekteýli jandardyń shyǵarmashylyq jumystary, olar eńbek etip jatqan kásiporyndardyń taýarlarynyń kórmesi ashty.
Sharada sóz sóılegen oblys ákimi Berdibek Saparbaev óńirdiń qoǵamdyq ómirine belsendi atsalysyp júrgen múmkindigi shekteýli jandardy atap ótti.
«О́mir- kúres. Osy ómirge keldiń be – eshteńege moıymaı kúresý kerek, ómir súrý kerek. Eger adam aldyna mindet qoıyp, alǵa umtylsa, eńbektense, onda ol mindetti túrde armanynyń oryndalýyna qol jetkizedi. Árıne, jaqyndardyń, týystardyń, dostardyń qoldaýy qajet. Aqtóbelik múmkindigi shekteýli jandar Quralaı Bazarbaıqyzynyń jumysynyń arqasynda zor qoldaýǵa ıe. Sonyń nátıjesinde múgedektigi bar myńdaǵan adam ómirde óz ornyn taýyp, otbasyn qurdy, kóbiniń endigi nemereleri bar. Bastysy – olar tuıyqtalyp qalmaı, jumys istep jatyr jáne qoǵamǵa paıda ákelýde. Biz, aqtóbelikter, Elbasyna bizdi qoldap, jerlesimizge Qazaqstandaǵy eń qurmetti ataqty bergeni úshin alǵys aıtamyz. Bul bizdiń Prezıdent saıasatynyń áleýmettik sıpatyn taǵy bir dáleldeıdi», dedi Berdibek Saparbaev.
О́ńir basshysy «Qazaqstannyń Eńbek Eri» ataǵyn ıelengen Aqtóbe oblysynyń múgedekteri qoǵamdyq uıymdarynyń sózsiz kóshbasshysy Quralaı Báımenovaǵa arnaıy kótergishtermen jabdyqtalǵan arnaıy avtokóliktiń kiltin tabys etti.
О́z kezeginde, Quralaı Báımenova ózine berilgen avtokólikti múgedek balalardyń «Ǵajap» qoǵamdyq birlestigine tartý etti.
«Biz oblys ákiminiń bastamasymen búginde orasan zor aýqym alǵan jobany iske qostyq. Búgin sizder múmkindigi shekteýli dep esepteıtin jandardyń búkil áleýetin kórdińizder. Bizdiń uranymyz: «Biz birgemiz!». Berdibek Máshbekuly, sizge meniń juldyzymdy jaqqanyńyz úshin alǵys aıtamyn»,- dedi ol.
Budan ózge, «Jaına» múmkindigi shekteýli balalarǵa arnalǵan ońaltý ortalyǵyna, «Qazaq sańyraýlar qoǵamy» fılıalyna, Qazaq soqyrlar qoǵamynyń Aqtóbe oqý-óndiris kásipornyna, aýtızmi bar balalar ata-analarynyń «RAStıomka» oblystyq qaýymdastyǵyna jalpy somasy 1 mln teńgeniń aqshalaı sertıfıkattary tabystaldy.
Qoǵamdyq qyzmetterde, kásipkerlikte jáne ózge de salalarda keremet jetistikterge jetken aqtóbelik múgedek jandar - Gúlmeıram Srajaeva, Zınaıda Teleýsheva, Vıktorııa Kvasha, Shahan Joldasbaev, sonymen qatar, sharanyń qurmetti qonaqtary – Qazaqstan múgedekter keńesiniń tóraǵasy Álı Amanbaev, memlekettik qaıratker Eleýsin Saǵyndyqov, professorlar Serik Aqsholaqov pen Jaqsylyq Dosqalıev, Eńbek, áleýmettik qorǵaý jáne kóshi-qon komıteti tóraǵasynyń orynbasary Dámejan Sádýaqasova, Batys Qazaqstan oblysy ákiminiń keńesshisi Jumajan Qojjanov jınalǵandar aldynda ózderiniń jigerlendiretin, rýhtandyrar sózderin aıtty.
Aqtóbe oblysynda ýaqytyly áleýmettik qoldaý kórsetilip turatyn 27 myńdaı múgedek bar. Byltyr 12 myńnan asa múgedek jan tehnıkalyq, gıgıenalyq zattarmen, protezdi-ortopedııalyq buıymdarmen jáne shıpajaılyq emdermen qamtyldy. Memleket múmkindigi shekteýli tulǵalardy áleýmettik jaǵynan qoldaý úshin barlyǵy 1,8 mlrd teńgeden astam qarajat bóldi.
2018 jyly is júzinde múmkindigi shekteýli barlyq azamattar qaıyrymdylyq qoldaýmen qamtyldy. Osylaısha, oblysta memlekettik baǵdarlamalar aıasynda «Baqytty bala», «Týǵan jerge taǵzym», «Mektepke jol», «Túlek.kz», «Aýyl qamqorshysy» jáne t.b. jobalar júzege asyrylyp, sonyń aıasynda 508 myńnan asa oblys turǵynyna shamamen 6,5 mlrd teńge kóleminde kómek kórsetildi.
О́ńir bıliginiń múmkindigi shekteýli balalardy ońaltýǵa erekshe kóńil bóletinin aıta ketý kerek. Baqytty bala jobasy aıasynda elimizde tuńǵysh «Kúnshýaq» saýyqtyrý ınklıýzıvti lageri, 220 oryndyq «Nektar» korreksııalyq balabaqshasy, sonymen qatar, bıznestiń áleýmettik jaýapkershiligi aıasynda «Aqtóbe mys kompanııasy» JShS qarajaty esebinen serebraldy-sal aýrýymen aýyratyn balalardy ońaltý ortalyǵy, júıke súıek-bulshyqet patologııasy men aýtızmi bar balalarǵa «Aıala» ortalyǵy ashyldy.