Paıǵambarymyz Muhammed (s.a.ý.) «kóz tııýdiń bar ekeni aqıqat» degen. Kóz tııýdiń shyndyq ekeni halyq tájirıbesimen de, ǵylymı nátıjelermen de rastalǵan qubylys. Áıtkenmen myna álemde biz túsinip, túsindire almaıtyn qubylystar áli kóp dep jazady islam.kz.
Sondyqtan kóz tııýden saqtaný úshin materıaldyq ǵana emes, duǵa jáne Allaǵa syıyný sekildi rýhanı jáne dinı sebepterge de júginý qajet. Kóz tııýden saqtaný úshin myna nárselerge erekshe mán bergen jón:
1. «Qalam» súresiniń 51-52 aıattaryn, «Fatıha», «Aıatýl-kýrsı», «Falaq» jáne «Nas» súrelerin, sonymen qatar, Allanyń esimderi men sıpattaryn, Onyń aty atalǵan aıattardy oqý qajet;
2. Eldiń nazaryn ózine aýdartatyn, olardyń qyzyǵýshylyǵy men qyzǵanyshyn týdyratyn kıim-keshekter kııý men túrli áreketterden saqtaný;
3. О́zin maqtaǵan kisilerge «mashalla, barakalla deńizder» dep keńes berý. Paıǵambarymyz (s.a.ý.): «Kimde-kim ózine qatty unaǵan bir nárse kórse, «Mashalla, barakalla» dese, onyń qaraǵan nársesine kóz tımeıdi»,– degen.
4. Kózi tıgish kisiler men ortalardan qoldan kelgenshe alshaq júrý. Erekshe qajettilik týyndamaǵan jaǵdaıda ol jerlerge barmaý, bara qalǵan jaǵdaıda Allaǵa syıynyp, járdem surap, duǵa jasaý qajet.