130 myńǵa jýyq jumys berýshi 705 myń jumysshynyń jalaqysyn kóteredi. Bul týraly QR Eńbek jáne halyqty áleýmettik qorǵaý mınıstrliginiń baspasóz qyzmeti habarlady.
Memleket basshysynyń Joldaýynda aıtylǵandaı 2019 jyldyń 1 qańtarynan bastap eń tómengi eńbekaqy alatyn jumysshylardyń jalaqysyn kóterýdi júzege asyrý aıasynda, elimizde jalpy jumysshy sany 1,5 mln adamdy quraıtyn 128,7 myńǵa jýyq jumys berýshi 705,4 myń jumyskerdiń jalaqysyn kóterýge daıyn ekendikterin bildirdi.
1235 kásiporyn iri kásipkerlik sýbektilerine jatady, 1711 – ortasha, 125 myńy shaǵyn kásipkerlik.
Joǵaryda kórsetilgen kásiporyndarda eń tómengi eńbekaqy alatyn jumyskerlerdiń ortasha jalaqysy 18% ósedi, 41,5 myńnan 55,2 myń teńgege deıin.