Búgin Germanııada ereýilge baılanysty segiz áýejaıdyń 23 myń qyzmetkeri josparly rejımde jumys istemeıdi. Bul týraly DW habarlaıdy.
Aldyn ala eskertilgen ereýilder Frankfýrt-na-Maıne, Bremen, Drezden, Erfýrt, Gambýrg, Gannover, Leıpsıg jáne Mıýnhen áýejaılarynda bolady dep josparlanǵanyn kásipodaqshylar habarlady. Frankfýrttaǵy áýejaı operatorynyń aqparatyna qaraǵanda, 1200-ge jýyq josparlanǵan reıstiń kem degende 470 reısi oryndalmaıdy.
Olardyń ishinde Qazaqstannan keletin reıster de bar. Nursultan Nazarbaev áýejaıynyń elektrondy tablosyndaǵy málimetterge qarasaq, Frankfýrt-na-Maıneden shyǵatyn «Eır Astana» kompanııasynyń KS 922 reısi oryndalmady. Ol 05.40-ta qoný kerek bolatyn.
Almaty halyqaralyq áýejaıynan tańǵy saǵat 04.40-ta Lufthansa áýekompanııasynyń LH647 borty Frankfýrtqa ushpady. Saǵat 10.20-da kelýi tıis Frankfýrt-Astana-Almaty reısiniń keshigip jatqany týraly habarlandy. Al budan keshirek reısterge onlaın tirkeý ashyldy.
Germanııa áýejaılaryndaǵy qyzmetkerlerdiń ereýilderi 23 qańtarǵa josparlanǵan áýejaıdyń qaýipsiz qyzmeti jumysshylarynyń jalaqysyn kóterýge baılanysty jańa kelissózder aldynda eskertý retinde uıymdastyryldy.