Ulttyq qant dıabeti regıstriniń málimetinshe, elimizde qant dıabetine shaldyqqandardyń sany 300 myńnan asady. Olardyń 18 myńy birinshi tıptegi dıabetpen, 291 myńy ekinshi tıppen aýyrady. Dertke shaldyqqandardy memleket tegin emdeıdi.
Iаǵnı, kepildendirilgen tegin medısınalyq kómek paketi sheńberinde olarǵa 48 túrli dári men medısına buıymdary beriledi. Oǵan shprıs, test-jolaqsha, glıýkometr, ınsýlın pompalary men 22 túrli ınsýlın kiredi. Byltyr bıýdjetten ınsýlın satyp alýǵa 11 mlrd teńge, al tabletkalarǵa 4 mlrd teńge bólingen. Biraq 150-ge jýyq naýqas preparatty almaǵanyn aıtyp, shaǵymdanǵan. Taıaýda osynshama naýqasqa jetpeı qalǵan qazaqstandyq ınsýlın О́zbekstanda kóterme baǵadan da tómen satylyp jatyr degen habar taraldy.
Bul jaǵdaıdan Densaýlyq saqtaý mınıstrligi burynnan habardar bolyp shyqty. Olar istiń jaı-japsaryn bilý úshin ótken jyldyń aıaǵynda Syrtqy ister mınıstrligi arqyly kórshi eldegi áriptesterine suraý salǵan kórinedi. «О́zbekstanda ınsýlın satylyp jatqany týraly aqparat keldi. Soǵan baılanysty mınıstrlik quzyretti organdarmen tekseristi bastap ketti. Byltyr jyl sońynda О́zbekstannyń densaýlyq saqtaý mınıstrligine tıisti hat joldap, osyndaı faktiler tirkelgen jaǵdaıda bizdi habardar etýdi suradyq», dedi Farmasııa komıteti tóraǵasynyń orynbasary Nurlybek Asylbekov.
«Insýlınder biryńǵaı dıstrıbıýtor arqyly satyp alynyp, Qazaqstannyń tikeleı medısınalyq uıymdaryna kelip túsedi. Ol jerde ınsýlınder resept retinde jazylyp, pasıentterdiń qolyna tapsyrylady. Byltyr biz bólshek saýda jelisinde biryńǵaı dıstrıbıýtor arqyly alynǵan osyndaı preparattardyń satylý jaǵdaılaryn anyqtaǵan bolatynbyz. Bul faktiler týraly quqyq qorǵaý organdaryna da habar berdik. Biz pasıentterdiń sol preparatty alǵanynan nemese basqa jerge satqanynan habarymyz joq. Bolmasa ol preparattar syzylyp tastalyp, medısınalyq uıymdardan alynǵan. Basqa da organdar men prokýratýra istiń mán-jaıyn anyqtaý ústinde», dedi Farmasııa komıtetiniń tóraǵasy Lıýdmıla Bıýrabekova.
Bas prokýrordyń orynbasary Andreı Lýkın Parlament Májilisinde tilshilerge bergen jaýabynda atalǵan derek boıynsha prokýratýra tekserý júrgizip jatqanyn jetkizdi.
Al mınıstrlik ókilderi aqparattyń anyq-qanyǵy osy aıdyń sońynda jarııalanatynyn málim etti.
Maıgúl SULTAN,
«Egemen Qazaqstan»