Qazaqstan Respýblıkasy Qarjy mınıstriniń buıryǵymen Aıdyn Jumabekuly Ashýev Memlekettik satyp alý jónindegi komıtettiń tóraǵasy qyzmetine, Erbol Shyraqbaıuly Qarashúkeev — QR QM Qazynashylyq komıtetiniń tóraǵasy qyzmetine taǵaıyndaldy.
A. Ashýev 1976 jyly Almaty qalasynda dúnıege kelgen. Qazaq memlekettik basqarý akademııasyn, Qarjy akademııasyn bitirgen.
Eńbek jolyn 1995 jyly bastaǵan. Ártúrli jyldary kommersııalyq sektorda, «Eksporttyq kredıtter men ınvestısııalardy saqtandyrý jónindegi memlekettik saqtandyrý korporasııasy» AQ, «Ulttyq zııatkerlik menshik ınstıtýty» RMQK, «QazAgro «Ulttyq holdıngi» AQ, «QazAgrogarant» AQ, QR Statıstıka agenttiginde jumys istedi,onyń ishinde «Aqparattyq esepteý ortalyǵy» RMK basqardy. 2016 jyldan bastap osy ýaqytqa deıin «Amangeldi Gaz» JShS Bas dırektorynyń ekonomıka jáne qarjy jónindegi orynbasary qyzmetin atqardy.
E. Qarashúkeev 1976 jyly Almaty oblysynda dúnıege kelgen. Ál-Farabı atyndaǵy Qazaq memlekettik ulttyq ýnıversıtetin, Qazirgi zamanǵy gýmanıtarlyq ınstıtýtty bitirgen. Statıstıka agenttiginde, «Aýyl sharýashylyǵyn qarjylaı qoldaý qory» AQ, Qarjy mınıstrliginde, respýblıkalyq bıýdjettiń atqarylýyn baqylaý jónindegi esep komıtetiniń «Qarjylyq buzýshylyqtardy zertteý ortalyǵy» RMK-da, «Qazaqstannyń Turǵyn úı-qurylys jınaq banki» AQ jáne t. b. qyzmetter atqardy.
2016 jyldan bastap taǵaıyndalǵanǵa deıin — QR Prezıdenti Ákimshiliginiń Áleýmettik-ekonomıkalyq monıtorıng bólimi meńgerýshisiniń orynbasary qyzmetin atqaryp keldi.