«Dıplommen – aýylǵa!» daıynsyń ba barýǵa?

Máselen, Almaty oblysynda joba bastalǵaly beri 6253 jas maman aýylǵa at basyn burǵan eken. Iаǵnı, esep boıynsha 2009-2018 jyldar aralyǵynda «Dıplommen – aýylǵa!» baǵdarlamasy bo­ıynsha kelgenderge jalpy somasy 785,3 mln teńge bolatyn kóterme járdemaqy beril­gen. Al byltyr bul qol­daýǵa 571 jas maman ıe bolypty. 

Jalpy, 2009-2018 jyldar aralyǵynda «Dıplom­men – aýylǵa!» jobasyna qatysýshylarǵa qandaı mamandyqtar boıynsha suranys týdy? Málimetter eń joǵary kórsetkish bilim sala­syna qatysty ekenin kór­setedi. Jetisýdyń aýyldaryna bala oqytýǵa kel­gen jas muǵalimder sany 4328 adamdy quraǵan. Mu­nan keıingi oryn medısına sala­syna buıyrypty, 1487 dáriger, medbıke sııaq­ty mamandyq ıesi elge oral­ǵan. Sondaı-aq 236 jas maman agroónerkásip keshe­nine, 113 adam mádenıet meke­me­lerine, 49 jas áleýmettik qamsyzdandyrý salasyna jáne 40 sport mamany óz bolashaǵyn aýylmen baı­lanystyrýǵa bel býǵan eken. Aıtpaqshy, joba aıasynda berilgen turǵyn úı satyp alý nesıesiniń  jalpy kólemi 7,7 mlrd teńge shamasynda. Bul qarjyǵa 2912 jas maman baspana satyp aldy deýge bolady.

Elbasy Nursultan Nazarbaev Jastar jylynyń ashylýynda sóılegen sózinde  «Dıplommen – aýylǵa!» jobasy boıynsha beriletin kóterme aqyny 70 aılyq esep­tik kórsetkishten artty­ryp, 100 paıyzǵa deıin jet­kizý týraly aıtqan edi. Al­ma­ty oblysynyń ákimdigi bul tap­syrmany oryndaýǵa kiris­ti. Bıyl suranysqa ıe 742 jas maman 176750 teń­ge mólsherinde kóterme jár­dem­aqy alady dep kútilýde. Munan bólek, taǵy 523 adam­ǵa 3787,5 myń teńge mól­she­rin­de jeńildetilgen nesıe berý josparlandy. Demek, aýyl­ǵa oralatyn jastar qatary óse túspek.

Aıtpaqshy, aýylǵa oralý degennen shyǵady, byltyr Elbasy Jarlyǵymen qaıta qurylǵan Raıymbek aýdanyna qaıta qonystanǵan jas­tar qatary kóbeıip keledi. Aımaqta shekaralyq óńir­di damytýǵa baǵyttalǵan is te qarqyndy júrip jatyr. Máselen, aýdan orta­ly­ǵy Narynqol aýylyn­da jas ma­mandarǵa arnalǵan 109 tur­ǵyn úıdiń qurylysy bas­tal­ǵan. Qazir 20 úı paıda­laný­ǵa berilip te qoıǵan eken. Aýyl­daǵy jańadan salynǵan baspana birinshi kezekte memlekettik qyzmetkerlerge jalǵa berý ádisimen bólingen. Jańadan ashylǵan aýdan bolǵandyqtan, Narynqolǵa kelip turaqtap jatqan jas mamandar úshin baspana ja­ıy qıyndyq týǵyzǵan edi. Buıyr­sa, bıyl qalǵan 89 úı de qoldanysqa berilmekshi.

– Eń bastysy, shekarlyq aýdan­ǵa jastar qaıta orala bas­tady. Elbasynyń Jar­­ly­ǵy shyqqannan bergi ýa­qyt­­ta aýdanǵa 700 adam qonys aýdar­ǵan. Sondyqtan jas ma­man­dardy baspanamen qam­tý eń mańyzdy máseleler qata­rynda. 20 jalǵa beri­le­tin úıdiń qurylysyna ob­lys­tyq bıýdjetten 395,3 mln teńge bólingen bolatyn, qazir bul úıler paıdalanýǵa berildi, – deıdi bul jaıyn­da oblys ákimi Amandyq Batalov.

Jalpy, qaıta qurylǵan aýdanǵa baǵyttalǵan jumys nátıjesi bir jylǵa jýyq ýaqyttyń ishinde aıqyn nátı­je bere bastady. Aýdan orta­­­lyǵyndaǵy  joldar jón­­deldi, jaryqtandyrý júr­­gizildi, turǵyn úıler sa­lyn­­dy, balalar alańdary men sport­tyq alańdar paıda­lan­ý­ǵa berildi. Memleket bas­shysynyń jastardy qol­daý­ǵa qatysty tapsyrmasynan keıin de «Dıplommen – aýylǵa!» baǵdarlamasy boıynsha keletinder sany artatyny anyq.

Qalmahanbet MUQAMETQALI,

«Egemen Qazaqstan»