Bir adamnyń ómirin jalmaǵan qaıǵyly oqıǵa Qyzyljar aýdany Arhangelka aýylynda oryn alǵan.
Tótenshe jaǵdaılar jónindegi departamenttiń baspasóz ortalyǵy taratqan aqparat boıynsha órt tutanǵan kezde 13 jastaǵy qyz bala úıde bolǵan. Baspananyń órtene bastaǵanyn kórgennnen keıin terezeni syndyryp, dalaǵa shyqqan. Dereý jetken ákesi dalaǵa janushyra shyqqan qyzyn kórshisine jiberip, ózi órtti aýyzdyqtaýǵa umtylǵan. Úıge kirgenmen, tútinge tunshyǵyp qalǵan. Onyń ústine gaz ballony jarylyp, úı túgi qalmaı janyp ketken. Marqumnyń máıiti úıdiń kireberisinen tabylǵan. 47 jastaǵy marqumnyń artynda áıeli men úsh balasy qaldy.
Tótenshe jaǵdaı qyzmetiniń mamandary órt gaz ballonyn durys paıdalanbaý saldarynan tutanǵan degen boljam aıtyp otyr.
Jambyl aýdanynda órtengen úıdiń ishinene keıýananyń múrdesi tabylǵan. Qyzyljar aýdany Penkovo aýylynda jalpy aýmaǵy 180 sharshy metr bolatyn eki qabatty kottedj órtenip ketken.
Jyl basynan beri óńirde 35 órt oqıǵasy tirkelip, tórt adam opat bolǵan.
О́mir ESQALI,
«Egemen Qazaqstan»
Soltústik Qazaqstan oblysy