О́tken jyldyń 29 jeltoqsanynda Qarjy mınıstrliginiń «Memlekettik satyp alýdy júzege asyrý qaǵıdalaryn bekitý týraly» buıryǵyna ózgertýler engizilgen. Máselen, osyǵan deıin baǵalyq usynystary teń bolǵan jaǵdaıda taýarlar, jumystar, qyzmet túrleri naryǵynda aýqymdy jumys tájirıbesi bar konkýrsqa qatysýshylar jeńimpaz dep tanyldy. Al, jumys tájirıbesi teń bolǵan kezde baıqaýǵa qatysý týraly ótinishi basqa da áleýetti qatysýshylardyń ótiniminen birinshi bolyp jibergen konkýrsqa qatysýshy jeńimpaz dep tanylǵan edi.
Al endi, jańa ózgertýlerge sáıkes memlekettik satyp alýlardaǵy basymdyq aldyńǵy tórt jyl úshin tólengen salyq somasynyń neǵurlym úlken kórsetkishine ıe uıymdarǵa beriledi – ıaǵnı, tek iri kompanııalar ǵana basymdyqqa ıe bolady.
«Aq jol» partııasy bul engizilgen ózgertýlerdiń nátıjesinde iri jetkizýshilerdiń memlekettik satyp alý naryǵyn monopolııalandyrýǵa jáne osy saladan shaǵyn jáne orta kásipkerlikti yǵystyrýyna alyp keledi dep esepteıdi.
«Áriden soń, kúlli álem elderinde óziniń ıkemdilik kúshi men serpindiligi arqyly ShOB sektory nnovasııalar men ónim sapasynyń jańa standarttarynyń qaınar kózi bolyp tabylady. Dál osy shaǵyn jáne orta bıznes arqyly ulttyq ekonomıkanyń tabysy qaıta úlestiriledi, áleýmettendirý jáne ony árbir qazaqstandyqtyń otbasyna jetkizý júrgiziledi.
Qazaqstan ózin áleýmettik memleket dep jarııalady. Al, bizdiń sheneýnikter bolsa kezekti márte buqaralyq kásipkerliktiń damýyna kedergi keltiretin qadamdar jasap, oǵan qatysy bar qoǵamnyń aýqymdy úlesine de qysym jasaýda», - dep málimdedi óz saýalynda demokratııalyq partııa fraksııasynyń depýtattary. Olar Premer-Mınıstrden osy máseleni qarastyrýyn jáne atalǵan túzetýlerdi joıý týraly tıisti nusqaýlar berýin suraǵan bolatyn.
Jýyrda ǵana Úkimettiń bergen jaýabynda jeńimpazdy «kim birinshi bolyp ótinish berdi» degen krıterıı boıynsha anyqtamaý úshin satyp alýlardyń jeńimpazyn úshinshi kezeńde tańdaý úshin qarjylyq kórsetkishti – tólengen salyq somasyn negizge alý usynylǵan delingen. Usynylǵan tásil, olardyń pikirinshe, bir kúndik kompanııalardy satyp alýǵa jol bermeıdi jáne kásipkerlerdi salyqty adal, ýaqytyly tóleýge yntalandyrý sharalary bolyp tabylady.
«Sonymen qatar, atalǵan tártip aǵymdaǵy jyldyń 1 qańtarynan bastap kúshine engenin eskere otyryp, sondaı-aq jartyjyldyq quqyqtyq qoldaný tájirıbesin esepke ala otyryp, onyń shaǵyn jáne orta kásipkerliktiń sýbektilerine áser etý máselesin qarastyrýǵa bolady dep paıymdaımyz», - dep aıtylǵan Baqytjan Saǵyntaev qol qoıǵan hatta.
«Aq jol» QDP jáne onyń parlamenttik fraksııasy saılaýaldy baǵdarlamany júzege asyrý men shaǵyn jáne orta bıznestiń múddesin qorǵaý boıynsha jumystardy jalǵastyrýda.