Astana ákimi bıznesmenderdi múmkindigi shekteýli balalarǵa kómek kórsetip júrgen kommersııalyq emes uıymdarǵa qoldaý kórsetýge shaqyrdy, dep habarlaıdy elorda ákimdiginiń resmı saıty.
Baqyt Sultanov turǵyndarmen esep berý kezdesýinde múgedek balalardy bilim berýmen qamtamasyz etý boıynsha ákimdik qabyldaǵan sharalarǵa erekshe toqtaldy.
«Bul – batyr balalar. Biz múmkindigi shekteýli balalar tárbıelep otyrǵan kópbalaly otbasylardy jıi kezdestiremiz. Massaj kýshetkasynyń birneshe santımetrin baǵyndyrǵan balalary úshin ata-analary qalaı qýanatynyn kórseńizder ǵoı. Balalary da ári qaraı jumys isteýge jáne damýǵa daıyndyǵyn aıtady.Men Astananyń barlyq kásipkerlerin osy salada jumys isteıtin kommersııalyq emes uıymdardy qoldaýǵa shaqyramyn» dedi B.Sultanov.
Qazirgi ýaqytta Astanada 80% múgedek bala nemese 6 myń osyndaı bilimmen qamtylǵan. Erekshe qajettiligi bar balalardy oqytý úshin 77 mektepte, 13 balabaqshada, tórt kolledjde jaǵdaı jasalǵan. Sonymen qatar, qala ákimi pedagogtardy qoldaý sharalary týraly aıtty. Bıyl olarǵa taǵy 1 myń turǵyn úı sertıfıkaty beriledi, 300 oryndyq jataqhananyń qurylysy aıaqtalýda, pedagogtardyń eńbekaqysy men mártebesin júıeli túrde arttyrýǵa sheshim qabyldandy. MJÁ tetikteri arqyly jan basyna qarjylandyrýdy engizýdiń arqasynda ákimshilikte qarajatty bosatý jáne olardy muǵalimderdiń jalaqysyna jiberý múmkindigi paıda boldy. Bul sondaı-aq, bilim berý salasyna jeke bıznes pen jekemenshik mektepterdi tartýǵa múmkindik beredi.
«Balalardyń qaýipsizdigi mańyzdy mindet bolyp tabylady. Aǵymdaǵy jyldyń sońyna deıin biz oqý oryndaryn, sonyń ishinde, ondaǵy ashanalardy beınebaqylaý kameralarymen, 100 paıyz qamtamasyz etemiz» dedi Sultanov.