Búgin Májilistegi jalpy otyrysta Qazaqstan men О́zbekstan úkimetteri arasyndaǵy energetıka salasyndaǵy yntymaqtastyqtyń keıbir máseleleri týraly negizdemelik kelisimdi ratıfıkasııalaý týraly zań jobasy maquldandy.
Kelisim eki memlekettiń munaı-gaz, munaı-gaz-hımııasy jáne elektr energetıkasy salasyndaǵy yntymaqtastyǵyn yntalandyrýdy, О́zbekstan Respýblıkasyna shıki munaıdyń jetkizilýin ulǵaıtýdy, sondaı-aq, Qazaqstannyń ońtústigin kúzgi-qysqy kezeńde tabıǵı gazben úzdiksiz jabdyqtaýdy kózdeıdi.
Búgingi otyrysta memlekettik qyzmet jáne sybaılas jemqorlyqqa qarsy is-qımyl máseleleri boıynsha ózgerister men tolyqtyrýlar engizý týraly depýtattyq zań jobasy birinshi oqylymda maquldandy.
Zań jobasynyń negizgi normalary konkýrstyq irikteýden ótken jáne tıisti jergilikti atqarýshy organdardyń basshylary laýazymyna taǵaıyndalatyn kandıdatýralardy ortalyq atqarýshy organdarmen mindetti kelisý týraly normalardy qoldanystaǵy birqatar zańdardan alyp tastaýǵa, konkýrstyq komıssııa men biryńǵaı konkýrstyq komıssııa qurý tártibin naqtylaý jolymen konkýrstyq rásimderdi jetildirýge, ýákiletti organnyń memlekettik qyzmetshilerdi basqa memlekettik organdarǵa issaparǵa jiberý tártibin ázirleý jónindegi fýnksııalaryn bekitýge, memlekettik qyzmetti toqtatý jáne qaıta bastaý merzimderin naqtylaýǵa, synaq merzimin esepteý men ótkizý tártibin naqtylaýǵa, mindetti arnaıy tekserý júrgizý tártibin naqtylaýǵa, saıası memlekettik qyzmetshilerdi, sondaı-aq «A» korpýsynyń kadr rezervindegi adamdardy «A» jáne «B» korpýsynyń memlekettik ákimshilik laýazymdaryna taǵaıyndaý tártibin naqtylaýǵa baǵyttalǵan.
Sonymen qatar, búgingi otyrysta Palata Tájikstan, Qyrǵyz, Qazaqstan respýblıkalary men Ismaılıtter Imamaty arasyndaǵy Ortalyq Azııa Ýnıversıtetin qurý jónindegi shartqa hattamany ratıfıkasııalaý týraly zań jobasymen beıindi komıtetke jumysty jalǵastyrý jóninde tapsyrdy.
Sondaı-aq, Májilistiń jalpy otyrysynda «Qorǵanys ónerkásibi jáne memlekettik qorǵanystyq tapsyrys týraly» zań jobasyn Senat engizgen ózgerister men tolyqtyrýlardy qarady.