Byltyr «Zhas project» jastar korpýsyn damytý jobasy aıasynda 165 aqtóbelik jas ózderiniń bıznes ıdeıalaryn júzege asyrýǵa múmkindik alyp, kásipker atandy. Respýblıkalyq joba jeńimpazdary kúshti áser týǵyzyp, olardyń jetistigi odan da kóp adamdy tartty. Sondyqtan jobany jalǵastyrý úshin bıyl jergilikti bıýdjetten 40 mln teńge bólinbek. Budan basqa, Aqtóbede jastardyń bastamalaryna kómektesetin arnaıy tálimgerler oqytyldy.
Mıllıonǵa tatıtyn arman
Eger sen úı sharýasyndaǵy áıel bolsań, otbasyńdy jańa pisken kókónispen qalaı qamtamasyz etýge bolady jáne muqtaj jandarǵa qalaı kómektesý kerek? Bul suraqty Áıteke aýdanynyń Komsomol aýylynda turatyn 23 jastaǵy Gúlshat Ábdibekova da qoıǵan. Onyń ómiri «Zhas project» jobasynyń arqasynda túbegeıli ózgerdi. Osydan bir jyl buryn jas ana óziniń jańadan bastap kele jatqan kásipkerge aınalatynyn elestete de almaǵan.
Gúlshattyń ár kúniniń mınýty da bos emes. Demalatyn ýaqyt joq, bárine kómektesý kerek,- deıdi ol. Eki balanyń anasy jobaǵa qatysyp, jylyjaı salady da jýa bıznesin jolǵa qoıady. Júıekter kúnine shamamen 5-6 bas jýa beredi. Ábdibeovter otbasy ózderine shamalysyn ǵana alyp qalyp, qalǵandaryn muqtaj jandarǵa beredi, balabaqshalar men mektepterge aparady.
«Jylyjaı salý oıy kenetten keldi. Joldasym ekeýmizdiń alǵan tıisti bilimimiz joq. Istiń keıbir qýlyqtaryn ınternetten qaradyq, keıbirin adamdar aıtty. Endi bizdiiń aýyldastarymyzdyń dastarhanynda árdaıym jańa pisken pııaz bolady», - dep bólisti isin jańadan bastap kele jatqan kásipker kelinshek.
Kók jýa ósirý kezindegi qıyndyqtar tek basynda ǵana bolǵan. Jýa ósirý mamandyǵyna aýysýǵa tájirıbe kómektesipti. Búginde Gúlshattyń aýlasynda bir ǵana kóshethana tur, biraq taǵy birnesheýin satyp alýǵa qarajat bar. Jas kásipker sonda basqa kókónistermen de aınalysýǵa bolatynyna senimdi. Boıjetken qyzan men qııar ósirýdi armandaıdy.
«Men ózime uran tastadym»
27 jastaǵy aqtóbelik Gúlfaıra Ramazanova arbadaǵy jandardyń ishki qıyndyqtaryn eńserip, súıikti isin bastaýlary qanshalyqty qıyn ekenin jaqsy biledi. Gúlfaıra – bala kúninen múgedek. Boıjetken ózgelerge kómektesý úshin dıagnozynyń kedergi emestigine sengen. Alaıda osy ýaqytqa deıin qalaı járdem berýge bolatynyn bilmepti.
Shabyt «Zhas project» jastar jobasy týraly estigende paıda bolǵan. Aqtóbelik qyz bir mıllıon teńge alyp, jabdyqtar satyp alady da óziniń fotosheberhanasyn ashady. Endi Gúlfaıra múmkindigi shekteýli jandar men ata-analary qymbat oqýǵa túsire almaıtyn balalardy fotosýret ónerine oqytyp júr.
Gúlfaıra: «Men ózime uran tastadym da, ózimniń kóp nárseni isteı alatynymdy túsindim»,- deıdi maqtanyshpen.
Jıyrmadan astam adam oqýdan ótti. Endi aqtóbelik qyz ıgi isin jalǵastyrý úshin óz biliktiligin arttyrǵysy keledi.
«Adamdar meniń nemen aınalysatynymdy bilgen kezde olardyń kózderinde burynǵydaı músirkeý emes, tańǵalý-tánti bolý baıqalady»,- deıdi ol.
Aqshanyń ornyna «rahmet aıtady»
Rahat Baqdáýletovtiń óz isin ashýdaǵy qadamy áleýmettik jelilerde jarnama taratýdan bastalǵan. Osylaısha, ol mıllıonǵa tatıtyn múmkindik týraly, grant, oqý men aı saıynǵy shákirtaqy týraly biledi. Jobanyń arqasynda jas jigit Oıyl aýylynda tirek-qozǵalys apparaty buzylǵan balalardy ońaltý úshin ıppoterapııa ortalyǵyn ashty. Sonymen birge erekshe balalardy emdeý – tegin.
Jylqylar turǵan aýla jergilikti emhananyń aýmaǵynda ornalasqan. Kishkentaı emdelýshilerdiń «dárigerleri» - Rahat satyp alǵan eki jylqy. Rahattyń ózi burynǵy jumysyn tastamaǵan, ol áli de dene shynyqtyrý páninen sabaq beredi. «Nege jylqylar» degen suraqqa jas jigit: «bul qazaqtyń qanynda bar», - dep kúlip jaýap beredi.
Búginde ıppoterapııa ortalyǵyna jıyrma erekshe bala baryp júr. Aýylda 24 jasar jigittiń qaıyrymdylyǵy jaıly bári biledi. Biraq ol ataqtyń qajet emestigin, tek qolynan keletin isti ǵana jasap jatqanyn aıtady.