Búgin Almatydaǵy Rıts Karlton otelinde «Women in business» forýmy ótip jatyr. Megapolıste uıymdastyrylǵan úlken jıynǵa ekonomıkanyń ár salasynda jetistikke jetken qyz-kelinshekter jınalǵan.
Jyl ótken saıyn bıznestegi jáne qoǵamdyq ómirde áıeldediń róli de sany da artyp kele jatqany aıan.
Forýmǵa Almatydaǵy «Atameken» Qazaqstan isker áıelderi keńesi men «Qazaqstan halyq banki» AQ uıytqy bolyp, Qazaqstan baspasóz klýby qoldaý kórsetýde.
Mundaı úlken jıyndy ótkizýge ekonomıka sektoryndaǵy áıelder men is júzindegi sarapshylar múddelilik tanytty.
Forýmǵa 100-den asa kásipker áıelder men qoǵam qaıratkerleri jáne sport pen mádenıet salasynyń betke ustar ókilderi keldi.
Forýmda qazaqstandyq jáne halyqaralyq bıznes pen uıymdarda basshylyq qyzmette júrgen áıelder sóz alyp, iskerlik saladaǵy óz tájirıbelerimen bólisýde.
Eń kóp talqyǵa túsip otyrǵan taqyryp – bıznes-ortanyń túıtkildi máseleleri, ekonomıkalyq saıasat, qalanyń ishki qurylymy men ekologııa, salalyq kásipter men shaǵyn jáne orta bıznestiń jaıy.
Al «Jahandyq ekonomıkalyq jaǵdaı. Basqarý isindegi áıelderdiń róli» dıskýssııasyna Qazaqstan halyq banki basqarma tóraıymy Úmit Shaıahmetova, China CITIC Bank dırektorlar keńesiniń tóraıymy Lı Sınpın, Gonkong isker áıelderi keńesiniń jetekshisi Kler Lo, Hewlett Packard Enterprise Qazaqstan, Qyrǵyzstan kompanııasynyń bas dırektory Dana Altybaeva, «Qazaqstan tutynýshylar Lıgasy» RQQ prezıdenti Svetlana Romanovskaıa qatysty.
Spıkerler IT-sala men bank sferasyndaǵy ózgeristerdi, álemdik valıýtalyq naryqtaǵy jaǵdaılardy ortaǵa saldy.
«Megapolıs ómiri: kásipkerlik, ekologııa, mádenıet, sport» taqyrybyn talqylaǵan jıynda Almaty qalasynyń ekologııalyq máseleleri men ınfraqurylymy jáne onyń sheshýdiń joldary qarastyryldy. Forýmǵa qaytysýshylardyń oıynsha, Almatynyń ekologııalyq máseleni sheshý úshin bılik pen qoǵam mámilege kelýi tıis.
Sondaı-aq «Women in business» forýmy alańynda wellness, fashion, restoclub ındýstrııasyna qatysty master-klasstar men semınarlar ótip jatyr.
Qarjyny, bedeldi jáne taım-menedjmentt basqarýǵa týraly tájirıbelik dárister úlken qyzyǵýshylyq týǵyzyp otyr.
Aınash ESALI,
«Egemen Qazaqstan»
ALMATY