Kezdesý barysynda Qazaqstan Prezıdentine «Samuryq-Qazyna» aksıonerlik qoǵamynyń 2018 jyly atqarǵan jumystary jóninde esep berildi. Bul týraly Aqordanyń baspasóz qyzmeti habarlady.
Nursultan Nazarbaev «Samuryq-Qazyna» aksıonerlik qoǵamy qyzmetiniń negizgi kórsetkishteriniń nátıjeleri jaqsy ekenin aıtty.
– Jalpy, Qor qyzmetiniń qorytyndylary basqa jyldarmen salystyrǵanda óte jaqsy. Aksıonerlik qoǵamnyń barlyq kompanııalary jyldy tabysty aıaqtap, kiristerin arttyra tústi. Sonymen qatar, Qordyń basqarý deńgeıleri josparly túrde ońtaılandyryldy, – dedi Elbasy.
A.Esimov Memleket basshysyna Qor aktıvterin jekeshelendirý barysy, «Qazaqtelekom» jáne «Air Astana» kompanııalaryn IPO-ǵa shyǵarý jospary, sondaı-aq «Samuryq-Qazyna» aksıonerlik qoǵamynyń «Saryarqa» gaz qubyry magıstralin salý jumystaryn qarjylandyrý isine atsalysýy jóninde baıandady.
Kezdesý sońynda Elbasy birqatar naqty tapsyrma berdi.