Búgin Shymkent qalasynyń Polısııa departamentinde departament bastyǵy, polısııa polkovnıgi Eraly Jumahanbetov 16 aqpanynda Qursaı móltek aýdanyndaǵy Jańaqurylys kóshesinde oryn alǵan órtten sábılerdi aman alyp qalǵan 13 jastaǵy Baqytjan Berkinbaıǵa QR Ishki ister mınıstriliginiń arnaıy marapatyn tapsyrdy.
Osylaısha Ishki ister mınıstri, polısııa general-maıory Erlan Turǵymbaevtyń buıryǵymen shymkenttik Baqytjan Berkinbaıǵa «О́rtte kórsetken qaısarlyǵy úshin» medali jáne ata-anasyna «Adam ómirin qutqarýda erlik jasaǵan balasyna úlgili ári ónegeli tárbıe bergeni úshin» Alǵys haty tabystaldy.
Eske salar bolsaq, 8 synypta oqıtyn bala Baqytjan otqa oranǵan bólmege qoryqpaı kirip, bir shette qorqyp otyrǵan 6 jasar qyz ben 3 jasar balany qutqaryp qalǵan edi.
Kezdesý sońynda departament bastyǵy óziniń jáne jeke quramnyń atynan otanshyl ul tárbıelep ósirgen ata-anasyna jáne bilim berýshi ustazdaryna alǵys bildirdi. Ári, jas batyr óziniń erliginiń, er júrektiginiń arqasynda barlyq qurdastaryna úlgi bolǵandyǵyn atap ótti.
Tipti, vedomstvo basshysy Baqytjanǵa bolashaqta polısııa mamandyǵyn tańdasa, óz tarapynan qoldaý kórsetýge daıyn ekendigin aıtty.
Nurshat TО́KEN,
«Egemen Qazaqstan»
Shymkent