Aqpan aıynyń bastap Jumyspen qamtý ortalyǵy qurǵan mobıldik toptar bazar, SOSO, saýda oryndaryn aralap, biryńǵaı jıyntyq tólem týraly aqparatty túsindirýde. Bul týraly Astana ákimdiginiń baspasóz qyzmeti habarlady.
Mobıldi top áleýmettik medısınalyq saqtandyrý, memlekettik áleýmettik saqtandyrý qory organdarynyń jáne BJZQ ókilderinen turady. Top músheleri biryńǵaı jıyntyq tólem týraly túsindirip, turǵyndardyń suraqtaryna jaýap berýde. Aqparat jazylǵan broshıýralar, býkletter taratyldy, onda BJT óz betimen tóleý arnalǵan qajetti aqparat kórsetilgen. «BJT – bul azamattyń áleýmettik qorǵalýyn qamtamasyz etetin tirkeýdiń jeńildetilgen rejımi. BJT JSN arqyly ekinshi deńgeıli bankter arqyly nemese tólem termınaldary arqyly tóleýge bolady», – dep túsindirdi Halyqty jumyspen qamtý ortalyǵynyń kásiptik oqytý bóliminiń sektor meńgerýshisi Meıramgúl Imasheva.
Meıramgúl Imashevanyń aıtýynsha, mobıldi toptar «Ásem», «Saryarqa», «Álem», «Astanalyq» saýda úılerine, «Kók bazar», «Alash» bazaryna sondaı-aq, joǵary oqý oryndary men kolledjderge barady. Esterińizge salamyz, 2019 jyldyń 1-shi qańtarynan bastap Biryńǵaı jıyntyq tólem (BJT) engizý jumystary júrip jatyr. Biryńǵaı jıyntyq tólem tártibin engizýdiń basty maqsaty– beıresmı túrde jumyspen qamtylǵan tulǵalardy tirkeý qyzmetin jeńildetý. Ol jeke tabys salyǵy, BJZQ zeınetaqy qoryna mindetti zeınetaqy jarnasyn tóleý, memlekettik áleýmettik saqtandyrý qoryna mindetti áleýmettik aýdarý jáne áleýmettik medısınalyq saqtandyrý qoryna (MÁSQ) áleýmettik tólem tóleý sııaqty tórt mindetti tólemdi biriktirgen bir rettik tólem bolyp tabylady. BJT barynsha yńǵaıly jasalǵan. Ol memlekettik tirkeý,tekserý jáne salyqtyq esepti talap etpeıdi.