Bıylǵy jyly Qaraǵandy oblysynda dárigerlerge 63 páter beriledi. Ol jaıly Aımaqtyq kommýnıkasııalar qyzmeti alańynda ótken brıfıng barysynda Qaraǵandy oblysy Densaýlyq saqtaý basqarmasynyń ambýlatorlyq-emxanalyq kómekti damytý jáne úılestirý bóliminiń jetekshisi Dana Baıkenova málimdedi.
- Oblystaǵy aýrýxanalar men emxanalarda qazirgi tańda 97 dárigerler jetispeıdi. Ol - neonatologtar, anestezıologtar, akýsher-gınekologtar, sondaı-aq jalpy tájirıbe dárigerleri. Alaıda Densaýlyq saqtaý basqarmasynyń kadrlardy jumyldyrý baǵdarlamasy óz nátıjelerin berip jatyr. О́tken jyly oblysqa 333 dáriger keldi, 260 - jas mamandar, - deıdi Dana Baıkenova.
Baıandamashynyń aıtýynsha, mamandardy tartý úshin Densaýlyq saqtaý basqarmasy 2016-shy jyldan beri olarǵa baspana bere bastaǵan. 2016-shy jyly dárigerler 4 páter alǵan, 2017 jyly - 26 páter.
- 2018-shi jyly Balqashta jáne Saranda jas mamandar 27 páter aldy. Sonymen qatar osy jyldyń sońyna deıin taǵy 63 páter beriledi. Qonys toılaryn Abaı, Shahtınsk, Jezqazǵan jáne Qaraǵandy, sondaı-aq Aqtoǵaı aýdanyndaǵy dárigerler toılaıtyn bolady, - dep atap ótti Dana Baıkenova.
2020 jyly Densaýdyq saqtaý basqarmasy Qaraǵandyda, Temirtaý, Jezqazǵan jáne Qarqaralyda 210 páter berýdi josparlap otyr.