Prezıdent Joldaýlaryn, memlekettik jáne salalyq baǵdarlamalardy óńirde iske asyrý boıynsha Elbasy tapsyrmalaryn óńirde oryndaý barysy týraly PrimeMinister.kz materıalynan oqyńyzdar.
Qyzylorda oblysy 1938 jylǵy 15 qańtarda qurylǵan. Oblys Qazaqstannyń ońtústik-batys bóliginde ornalasqan. Jalpy aýdany — 226 myń km2, bul respýblıka aýmaǵynyń 8,3% quraıdy.
Búginde Qyzylorda oblysy belsendi túrde damyp keledi — óńirde jańa shaǵyn aýdandar salynyp, mektepter men balabaqshalar ashylyp jatyr, aýrýhanalar men emhanalar salynyp, saıabaq aımaqtary men sáýlet jarasymdylyǵy jasalyp, óndiris damyp, aýyl sharýashylyǵy, shaǵyn jáne orta bıznes belsendi túrde damyp keledi.
Indýstrııalandyrý: 5 jylda óńdeý salasyndaǵy ónim óndirisi 31,6% ulǵaıdy
Qyzylorda oblysy Memleket basshysynyń tapsyrmasy boıynsha ındýstrııalandyrý arqyly ekonomıkany ártaraptandyrýǵa bet aldy. Sonyń nátıjesinde, 2017 jyly alǵash ret sońǵy 4 jylda Qyzylorda oblysynyń jalpy óńirlik óniminiń kórsetkishi boıynsha oń qarqyn belgilengen — 2016 jylǵy deńgeıdiń 100,8%.
2013 jyldan bastap 70-ten astam jańa óndiris paıdalanýǵa berildi. 2018 jyly ónerkásiptegi eńbek ónimdiligi shamamen 25% ósti. Al óńdeý salasynda ónim shyǵarý 2018 jyly 2013 jylmen salystyrǵanda 31,6% ulǵaıdy.
2018 jyly oblystyń ónerkásiptik kásiporyndary 930,4 mlrd teńgege ónim óndirdi.
Indýstrııalandyrý baǵdarlamasynyń ekinshi bes jyldyǵy aıasynda 2018 jyly jalpy quny 64,1 mlrd teńgeni quraıtyn, 286 jumys ornyyn qurýmen eki joba iske asyryldy. Olar: 1) «Tamponajdyq sement zaýytynyń qurylysy» («Gejýba Shıeli sement kompanııasy» JShS)
- Joba qýattylyǵy — jylyna 1 mln tonna;
- Júzege asyrylý orny — Shıeli aýdany;
- Jumys oryndary — 260 adam;
- Nysan 2018 jyldyń 11 jeltoqsanynda telekópir barysynda paıdalanýǵa berildi.
2) «Ák shyǵarý zaýyty» jobasy («Premıým Klass-Stroı» JShS)
- Joba qýattylyǵy — jylyna 75 myń tonna;
- Júzege asyrylý orny — Jańaqorǵan aýdany;
- Jumys oryndary — 26 adam;
- Nysan 2018 jyldyń qazan aıynda iske qosyldy.
Sońǵy úsh jylda (2015 jyldan 2018 jylǵa deıin) óńdeý ónerkásibiniń negizgi kapıtalyna salynǵan ınvestısııalar kólemi 2,3 ese ósti, jalpy qosylǵan qun 12% astamǵa, shıkizattyq emes ónim eksportynyń kólemi 22,7% artty.
Jalpy, oblys ekonomıkasyna 2013–2018 jyldary 1,7 trln tg jýyq tikeleı ınvestısııalar tartyldy. 2018 jyly ınvestısııalar kólemi 25,5% ósti, onda ósim negizinen kásiporyndardyń óz qarajattaryn salýdy arttyrýy (22,4%) esebinen qamtamasyz etildi. Negizgi kapıtalǵa salynǵan ınvestısııalar 325,5 mlrd tg qurady.
Agrosektordy damytý: joǵary sapaly daıyn ónimniń 15 túrin eksporttaý
Birneshe jyl ishinde oblystyń jalpy óńirlik ónim qurylymyndaǵy aýyl sharýashylyǵynyń úlesi 2,5%-dan 3,7%-ǵa deıin ósti, bul óńirdiń ekonomıka qurylymyndaǵy sapaly ózgeristerdiń dáleli.
Aýyl sharýashylyǵynyń jalpy óniminiń kólemi 97,7 mlrd teńgeni qurady nemese 2017 jylǵy tıisti kezeńiniń — 101,6%-y.
Esepti kezeńde 36,3 myń tonna tirideı salmaqtaǵy mal jáne qus eti, 86,4 myń tonna sıyr súti, 8,3 mln dana jumyrtqa óndirildi nemese tıisinshe 2017 jyldyń sáıkes kezeńimen salystyrǵanda ósim 3,4%, 1,9% jáne 23,8% qurady.
Sońǵy 6 jylda eksporttalatyn ónimderdiń tizimi 3 túrden 15-ke deıin ulǵaıtyldy. Sońǵy jyldyń ózinde ǵana aýyl sharýashylyǵy ónimderi eksportynyń kólemi 27%-ǵa ósti, al 97% — óńdelgen ónimderdiń úlesine tıesili. Oblys basshylyǵynyń aldynda turǵan mindet — shıkizatty óńdeýdi qamtamasyz etý jáne syrtqy naryqqa joǵary sapaly daıyn ónimmen shyǵý.
2016 jyly óńirde kóptegen jyldardan beri alǵash ret baqsha daqyldarynyń eksporty qalypqa keltirildi, 2017 jyly — Birikken Arab Ámirlikterine, Iranǵa, Mońǵolııaǵa jáne О́zbekstanǵa kókónister men mal eksporttala bastady, 2018 jyly Qytaıǵa alǵash ret maqsary maıy jetkizildi.
Eger 2017 jyly oblys 2,2 myń qoı eksporttasa, 2018 jyly qoı eksporty 4 esege artty; 8191-i Reseı Federasııasyna jáne Iranǵa jetkizildi.
Budan ózge, bıyl Qyzylorda qalasynda kúnine 200 bas iri qara mal men 1000 bas usaq mal soıýǵa arnalǵan zamanaýı et kombınatyn salý kózdelgen.
Sý taıazdyǵyna qaramastan, 2018 jyly qyzylordalyq kúrish ósirýshiler 473 myń t jaqsy ónim túsirip, Mońǵolııa, Túrkııa jáne Aýǵanstan naryqtaryn ıgerip jatyr.
О́tken jyly óńirde dástúrli óndirýmen qatar, ırandyq surypty ósirý bastaldy, ol Iranǵa eksporttalady. Qazirgi tańda alǵashqy partııany jetkizý boıynsha kelissózder júrgizilip jatyr, bul — 500 tonna ırandyq suryptaǵy kúrish, kelisi 810 teńgeden — qazirgi eksporttyq baǵalardan 4 ese joǵary.
Onyń ústine, eginshiliktiń damýy sýarmaly jerlermen shekteletindikten, tabystylyǵy joǵary jáne sýdy az talap etetin daqyldardy ósiretin alańdardy, sondaı-aq mal sharýashylyǵyn damytý maqsatynda jemshóptik jáne jemdik astyq egistikterin ulǵaıtýǵa basymdyq berilýde. Máselen, 2018 jyly kúrish egisteri 3 myń gektarǵa qysqardy, al maıly daqyldardy, atap aıtqanda, maqsary egý 2013 jylǵy 1659 gektardan 2018 jyly 8404 gektarǵa deıin ulǵaıtyldy. Bul maqsary maıynyń óndirisin uıymdastyrýǵa jáne 2018 jyly alǵashqy ret osy ónimniń 50 tonnasyn qytaı naryǵyna shyǵýǵa múmkindik berdi. Qytaıǵa jyl saıyn keminde 2,4 myń tonna maqsary maıyn jetkizý týraly kelisimshart jasaldy. Osynyń arqasynda ósimdik sharýashylyǵy ónimderi eksportynyń 28% ósýin qamtamasyz etýge bolady.
2018 jyldan bastap óńirde soıa jáne jemshóp daqyldary — sýdan shóbi, bal qumaı sekildi joǵary ónimdi daqyldardy engizý boıynsha jumystar bastaldy.
2019 jyly kúrish egistigin taǵy 2171 gektarǵa qysqartyp, onyń ornyna 4068 ga jemdik daqyldardyń jáne 1293 gektar kartop, kókónister jáne baqsha daqyldaryn ósirý alańdaryn ulǵaıtý kózdelgen.
Aral balyǵy: balyqty ónerkásiptik óndirý kólemi artyp jatyr
Kishi Aralda jáne onyń tóńiregindegi kól júıelerindegi balyq sharýashylyǵynyń qaıta qalpyna kelýine «Syrdarııa ózeniniń arnasyn retteý jáne Aral teńiziniń soltústik bóligin saqtaý» jobasynyń birinshi kezeńin iske asyrý yqpal etti. Balyqshylardyń umytylyp ketken derlik kásibi qaıta jandandy — jaǵalaýǵa jaqyn ornalasqan aýyldardyń turǵyndary qaıtadan teńizge shyǵa bastady, balyqtardy ónerkásiptik óndirý kólemi artyp keledi. О́ńirde balyqty óńdeýmen aınalysatyn 8 zaýyt bar, olar óz ónimderin taıaý jáne alys shetelderge eksporttaıdy. 2018 jyly Aral mańynda aýlanǵan balyq kólemi 8 myń tonnadan asty.
Aýlanǵan balyqtardyń basym bóligi óńirdegi balyq óńdeý zaýyttarynda óńdeledi. Atalǵan zaýyttardyń jyldyq qýattylyǵy 11 myń tonnadan asady.
Budan ózge, tórt kásiporynda ónimdi Eýropalyq Odaq elderine eksporttaýǵa múmkindik beretin «Eýrokod» eksporttaýshynyń esep nómiri bar. О́tken jyly Polsha, Gollandııa, Germanııa, Lıtva, Grýzııa, Ýkraına, Reseı jáne Qytaı sekildi elderge 3802,8 tonna balyq ónimderi eksporttaldy.
Aıta keteıik, 2018 jyly oblys alǵash ret Qytaıǵa 80 tonna balyq ónimin eksporttady.
О́nimdi jumyspen qamtý: bir jylda jumyssyzdar men ónimsiz ózin-ózi jumyspen qamtyǵandardyń 70% jumysqa ornalasty
2018–2020 jyldar óńirde jappaı kásipkerlikti qoldaýdyń úsh jyldyǵy retinde jarııalandy. Qabyldanǵan sharalardyń nátıjesinde 2018 jyldyń qorytyndysy boıynsha áreket etip turǵan shaǵyn jáne orta bıznes sýbektileriniń sany 13%-dan astam ósti. Sonymen qatar, reıtıng nátıjesi boıynsha, Qyzylorda oblysy bıznesti júrgizý jeńildigi boıynsha úzdik óńir bolyp tanyldy jáne «Altyn sapa» syılyǵymen marapattaldy.
О́tken jyly Jappaı kásipkerlikti damytý úshin ázirlengen keshendi jol kartasynyń aıasynda ár túrli kózderden 32 mlrd teńgeden astam qarajat tartyldy. Osylaısha, myńnan astam jumyssyzdar men ózin-ózi jumyspen qamtyǵan azamattar jalpy 4,3 mlrd teńgege shaǵyn nesıeler aldy, 1 myńnan astam shaǵyn bıznes jobalary iske asyryldy, bul 1,5 myńnan astam turaqty jumys ornyn qurýǵa múmkindik berdi.
Sondaı-aq, olardyń tirkelgen sýbektiler qataryndaǵy úlesi 75%-dan 83%-ǵa deıin ósti. Budan ózge, aınalymy jylyna 2 mln teńgeden asatyn ShOB sýbektileriniń sany eki esege artty.
Bıyl óńirde osyǵan uqsas Jol kartasy ázirlendi, onyń aıasynda bıznesti damytýǵa taǵy 34 mlrd teńge baǵyttalady.
О́z kezeginde ShOB damytý jańa jumys oryndaryn qurýǵa yqpal etti. 2018 jyldyń qańtar aıynda oblysta aýlalardy aralaý jumystary júrgizildi, sonyń nátıjesinde 97,5 myń jumyssyz ben ózin-ózi ónimsiz jumyspen qamtyǵan azamattar anyqtaldy. Bir jyl ishinde jumyssyzdar men ózin-ózi ónimsiz jumyspen qamtyǵan azamattardyń 68 myńy nemese 70% jumysqa ornalastyryldy, olardyń 44 myńy ónimdi jumysqa tartyldy. Bıyl qalǵan 30 myń adamdy ónimdi jumysqa ornalastyrý josparlanyp otyr.
29 738 adam jumysqa ornalastyryldy, sonyń ishinde turaqty jumys oryndaryna 19 342 adam ornalastyryldy, jergilikti bıýdjet esebinen 6 613 adam qoǵamdyq jumystarmen qamtyldy, jastar tájirıbesine — 2 701 adam, áleýmettik jumys oryndaryna — 1 082 adam tartyldy. 2018 jyldyń qańtar–jeltoqsan aılarynda 11 384 jańa jumys orny quryldy, onyń ishinde 10 925-i — turaqty jumys orny. 2018 jyldyń qańtar–qyrkúıek aılarynda bir jumysshynyń ortasha aılyq jalaqysy 2017 jylǵy tıisti kezeńmen salystyrǵanda 107% qurady.
Turǵyn úı qurylysy: baspanany paıdalanýǵa berýdiń jyldyq kórsetkishi 2,6 esege ósti
Oblysta 6 jyl ishinde shamamen 3 mln m2 turǵyn úı paıdalanýǵa berildi. Tek oblys ortalyǵynda 2013–2018 jyldary 15 jańa shaǵyn aýdan salynǵan. Baspanany paıdalanýǵa berýdiń jyldyq kórsetkishi 2,6 esege ósken: eger 2013 jyly 270 myń m2 paıdalanýǵa berilse, 2018 jyly — shamamen 700 myń m2.
Turǵyn úıdiń eleýli úlesi halyqtyń óz qarajaty esebinen salynýda. Máselen, byltyr 614 myń m2 salyndy, jeke turǵyn úı 2017 jylǵa qaraǵanda 36,4%-ǵa kóp. О́tken jyly ınjenerlik-kommýnıkasııalyq ınfraqurylym JTQ 4,5 myń ýchaskesine júrgizildi, sońǵy 4 jylda bul kórsetkish 28,5 myńnan asty. 2019 jyly jeke turǵyn úı qurylysy úshin beriletin taǵy 3384 jer telimine kommýnıkasııa jetkiziledi.
2018 jyly oblysta barlyq qarjylandyrý kózderi esebinen 70 turǵyn úı (1790 páter) salyndy, onyń ishinde 56-sy (1222 páter) paıdalanýǵa berildi.
Jaqyn arada halyqtyń áleýmettik qorǵalmaǵan sanaty: kópbalaly otbasylar, múmkindikteri shekteýli jandar, jetim balalar jáne t.b. úshin turǵyn úımen qamtamasyz etýdiń arnaıy óńirlik baǵdarlamasyn ázirleý josparlanyp otyr.
Aıta ketý kerek, óńirde ekonomıkanyń barlyq salalarynda MJÁ-niń 118 jobasy júzege asyrylyp jatyr, qurylys salýǵa baǵyttalǵan ınvestısııalar kólemi 34 mlrd teńgeden asady.
Qurylys jumystarynyń kólemi 93,3 mlrd teńgeni nemese 2017 jylǵy tıisti kezeńniń 122,1% qurady.
699,6 myń m2 turǵyn úı nemese 2017 jyldyń tıisti kezeńiniń 114,3% paıdalanýǵa berildi.
Kólik jáne logıstıka: Qyzylordanyń shaǵyn aýdandaryndaǵy 132 kóshedegi qurylys jáne jóndeý jumystary
2018 jyldyń qańtar–jeltoqsan aılarynda júk tasymalynyń kólemi 104,5 mln tonnany qurap, byltyrǵy deńgeıde saqtaldy (100%). Júk aınalymy 14 228,7 mln tkm qurady jáne 2017 jylǵy tıisti kezeńmen salystyrǵanda 2,4%-ǵa ósti.
Oblysta avtokólikpen 397,4 mln jolaýshy tasymaldandy nemese 2017 jyldyń tıisti kezeńimen salystyrǵanda 8,2%-ǵa artty. Osy kezeńde jolaýshylar aınalymy 6,9%-ǵa artyp, 6,977 mln jkm jetti.
Bıyl Qyzylordada «Shaǵyn joldardy damytý» arnaıy óńirlik baǵdarlamasy iske asyryla bastaıdy, onyń aıasynda Qyzylordanyń shaǵyn aýdandaryndaǵy 132 kóshede qurylys jáne jóndeý jumystary júrgiziledi. Atalǵan maqsattarǵa 3,3 mlrd teńge bólý josparlanyp otyr. Baǵdarlamany iske asyrý 3 jylǵa shaqtalǵan.
Bilim berý: apatty jáne úsh aýysymdyq mektepter máselesi sheshildi
Bilim salasynda apatty mektepter máselesi sheshildi, olardyń ornyna 37 jańa mektep salyndy, osy jyly Jańaqorǵan jáne Jalaǵash aýdandaryndaǵy apatty mektepterdi aýystyrý úshin taǵy 2 mektep salynady. Mektepterde úsh aýysymdyq bilim berý máselesi de sheshimin tapty.
3 jastan 6 jasqa deıingi balalardy mektepke deıingi tárbıemen qamtý 100% qamtamasyz etildi. Balabaqshalardyń 71%-y — jekemenshik ekenin atap ótken jón. 2013 jyldan bastap oblysta osyndaı balabaqshalardyń sany eki esege artty.
2017 jáne 2018 jyldary Qyzylorda qalasyndaǵy mektep bitirýshilerdiń 97% JOO-lar men ortasha arnaıy oqý oryndaryna oqýǵa tústi. Reseı Federasııasy Úkimetiniń granty boıynsha Reseıdiń jetekshi tehnıkalyq joǵary oqý oryndarynda balalardy oqytý uıymdastyryldy, 2014 jyldan bastap 520 bala atalǵan granttardyń ıegeri atandy. Alǵashqy 32 túlek 2018 jyly oqýyn aıaqtap, qazirgi tańda oblystyń kásiporyndarynda jumys istep júr, al 42-i túlek magıstratýrada oqýlaryn jalǵastyryp jatyr. Bıyl 123 stýdent oqýyn aıaqtaıdy. Sonymen birge, 2018 jyly Máskeý men Sankt-Peterbýrgtiń joǵary oqý oryndaryna taǵy 58 qyzylordalyq mektep túlekteri oqýǵa tústi.
Budan ózge, 2013 jyldan bastap oblys ákimi elimizdiń joǵary oqý oryndarynda aýyldyq jerlerdegi az qamtylǵan jáne kóp balaly otbasylardan shyqqan balalardy oqytýǵa grant bóledi, 2018 jyly granttar sany 205-ke deıin eki esege ulǵaıtyldy, búginde 900-ge jýyq jigitter men qyzdar — osy granttardyń ıegerleri.
Densaýlyq saqtaý: medısına mamandarynyń tapshylyǵyn azaıtý sharalary qabyldanyp jatyr
2018 jyly oblys ákiminiń 30 jalpy praktıka dárigerin daıarlaýǵa arnalǵan arnaıy granttary taǵaıyndady. Bul sharalar medısına mamandarynyń jetispeýshiligin tómendetýge baǵyttalǵan.
2016 jyldan bastap Qazaqstannyń bes jetekshi joǵary oqý ornynda oblystyq ákimdiktiń granty boıynsha 42 rezıdent bilim alyp jatyr. Bıyl óńirge qajetti mamandyqtar boıynsha alǵashqy 16 bilikti dáriger oqýyn támamdaıdy.
Budan ózge, 2018 jyly 720 dáriger men 767 maman ózderiniń bilimderin jetildirip, biliktilikterin arttyrdy.
О́tken jyly Qyzylorda oblysy Dúnıejúzilik densaýlyq saqtaý uıymynyń (DDSU) Eýropa elderinde engizilip jatqan aldyńǵy qatardy tehnologııalardy qoldaýǵa, densaýlyq saqtaýdyń zııatkerlik áleýetin qalyptastyrýǵa jáne alǵashqy medısınalyq-sanıtarlyq kómek (AMSK) boıynsha álemniń úzdik tájirıbelerin óńirge beıimdeýge múmkindik beretin «О́ńirler densaýlyqty qoldaıdy» eýropalyq jelisine elimizde birinshi bolyp qosyldy.
Sondaı-aq, 2018 jyly Qyzylorda oblysynda densaýlyq saqtaý nysandarynyń 86% jańartyldy. 6 jyl ishinde apatty ǵımarattardyń ornyna 49 densaýlyq saqtaý nysany salyndy, al qalǵan 8 nysannyń qurylysyn aldaǵy eki jylda aıaqtaý kózdelgen. Sońǵy 5 jylda oblysta alǵashqy medısınalyq-sanıtarlyq kómek nysandarynyń 63% jańartyldy.
2018 jyly Aral aýdanynyń Bekbaýyl aýylynda, Qazaly aýdanynyń О́rkendeý aýylynda, Syrdarııa aýdanynyń Aqjarma aýylynda 3 aýyldyq dárigerlik ambýlatorııa, sondaı-aq Aral jáne Qazaly ortalyq aýdandyq aýrýhanalary paıdalanýǵa berildi. Shıeli ortalyq aýdandyq aýrýhanasynyń qurylysy aıaqtalýǵa taıap qaldy, jaqynda Jalaǵash aýdandyq aýrýhanasynyń qurylys jumystary bastalady.
Budan ózge, 300 orynǵa arnalǵan kópbeıindi aýrýhana salý jobasy ázirlenip jatyr, oǵan Qyzylorda qalasynyń onkologııalyq bólimi de kiredi. Jobany oblys ortalyǵynyń sol jaǵalaýynda MJÁ aıasynda júzege asyrý josparda bar.
Áleýmettik salany sıfrlandyrý: 29 joba iske asyryldy
Qyzylorda oblysy — qaýipsizdik salasyn sıfrlandyrý baǵytynda «112 biryńǵaı kezekshi-dıspetcherlik qyzmeti» jobasy boıynsha pılottyq óńir. Joba aıasynda órtke qarsy qyzmet, polısııa, shuǵyl medısınalyq kómek, apattyq gaz qyzmeti jáne tótenshe jaǵdaılar qyzmeti sekildi oblystyń barlyq jedel qyzmetteri biriktirilgen. Osylaısha, bir qońyraý arqyly qajetti qyzmetterge júginýge bolady.
Jalpy alǵanda, 2018 jyly sıfrlandyrý boıynsha óńirde ekonomıkanyń ár túrli salalarynda 29 joba iske asyryldy. Máselen, «Elektrondy balabaqsha» avtomattandyrylǵan júıesi engizildi, bul ata-analarǵa balabaqshaǵa balany qabyldaý kezegin baqylaýǵa múmkindik beredi. Al medısınalyq kómekti qoljetimdi etý úshin Damumed jobasy júzege asyrylǵan, onyń aıasynda úıden shyqpaı-aq, dárigerdiń qabyldaýyna jazylýǵa nemese dárigerdi úıge shaqyrýǵa bolady, sondaı-aq taǵaıyndalǵan reseptilerdi jáne zerthanalyq zertteýlerdiń nátıjelerin kóre alasyz.
Budan ózge, 2018 jyly oblysta sıfrlyq tehnologııalardyń oblystyq basqarmasy quryldy. Qazirgi ýaqytta óńirde sıfrlandyrý boıynsha 52 joba iske asyrylyp jatyr.
Mádenıet jáne sport: Qorqyt ata murasyn nasıhattaý
Mádenıet salasynda oblys úshin mańyzdy oqıǵa — Qorqyt atanyń rýhanı murasyn IýNESKO-nyń materıaldyq emes muralarynyń tizimine engizý boldy. Bul sheshim 2018 jyldyń qarasha aıynda IýNESKO-nyń 13-sessııasynda qabyldandy. Atalǵan jumys óńirde bastaý alyp, Túrkııa men Ázerbaıjanmen birlesip tórt jylǵa sozyldy.
2018 jyly dene shynyqtyrý salasynda Qyzylorda oblysynda 12 sport kesheni salyndy. Onyń ishinde MJÁ aıasynda jeke ınvestorlar qarajaty esebinen Jalaǵash aýdanynyń Tań aýylynda, Shıeli aýdanynyń Bestam aýylynda, Shıeli aýdanynyń Tónkeris aýylynda, Jańaqorǵan kentinde jáne Jańaqorǵan aýdanyndaǵy Súttiqudyq aýylynda 5 sport kesheni salyndy.
2018 jyly Qyzylordada Ǵ. Muratbaev atyndaǵy ortalyq stadıondy rekonstrýksııalaý jumystary bastaldy.
2018 jyly oblys sportshylary Qazaqstan Respýblıkasynyń chempıonattarynda 1343 medal (441 – altyn, 421 – kúmis jáne 481 – qola), Azııa jáne Álem chempıonattarynda 131 medal (47 – altyn, 43 – kúmis jáne 41 – qola) jeńip aldy. Sport túrleri boıynsha QR ulttyq qurama komandasyna oblystyń 470 sportshysy qosylǵan. «Qaısar» fýtbol komandasy QR chempıonatynyń premer-lıgasynda 5-orynǵa ıe boldy.
2019 jyly Qyzylorda oblysynda alǵash ret erler arasynda boks boıynsha QR chempıonaty, sondaı-aq 10 memleket, sonyń ishinde AQSh qatysatyn paradzıýdo boıynsha halyqaralyq týrnır ótedi.