Elbasynyń «Bolashaqqa baǵdar: rýhanı jańǵyrý» atty baǵdarlamalyq maqalasy aıasynda «Elbasy jolymen» taqyrybynda uıymdastyrylǵan tanymdyq sapar barysynda qonaqtar, sondaı-aq kelesi jyly týǵanyna 1150 jyl tolatyn ensıklopedıst-ǵalym Ábý Nasyr ál-Farabı men Mysyr elin 18 jyl bılegen dańqty qolbasshy Sultan Beıbarystyń Damaskidegi zırattarynan alynyp topyraqtary salynǵan keshen-taqta ornyna taǵzym etti. M.Saparbaev atyndaǵy ýnıversıtettiń stýdentterimen kezdesip, Elbasynyń rýhanı jańǵyrýǵa baılanysty maqalasy aıasynda pikir almasty. Aǵa býyn men jastar arasyndaǵy áńgime-suhbatta Tuńǵysh Prezıdenttiń eren eńbekteri de qamtyldy. Synyptastary Elbasynyń mektepte ozat, alǵyr, úlgili bala bolǵandyǵyn eske túsirse, kýrstas dostary namysqoılyǵy men jigerliligi, qaısarlyǵy, eńbektegi zor jetistikteri jóninde ǵıbratty, áserli áńgimeler órbitti.
Otyrar aýdanynyń ákimi E.Aıtahanovqa shynaıy meımandostyq peıil tanytqany úshin alǵystaryn aıtqan Elbasynyń dostary saparlaryn kıeli Túrkistanda jalǵastyrdy. Qoja Ahmet Iаsaýı kesenesine zııarat jasap, «Áziret Sultan» memlekettik tarıhı-mádenı qoryq-mýzeıindegi tarıhı jádigerler men tulǵalar jaıly málimettermen tanysty.