Der kezinde qabyldanǵan sheshim

Túp-tamyry tarıhtyń altyn qoınaýynan bastaý alǵan Qazaqstandy alda odan da úlken ister kútip tur. Álemniń damyǵan ozyq otyz eliniń qataryna kirý úshin bar kúsh-jigerimizdi salyp eńbek etýdemiz. Bul úshin ǵasyr shejiresin jalǵap, aldaǵy bes jylda elimizdiń saıası-eko­nomıkalyq baǵytyn júr­gizetin kóshbasshymyzdy aıqyn­dap alýymyz qajet. О́ıtkeni Qazaqstanǵa búgingi tańda eń bastysy saıası-ekono­mıkalyq turaqtylyq pen qoǵamdyq beıbitshilik kerek. Elbasymyz Nursultan Ábishuly Nazarbaev negizin qalaǵan Qazaq­stannyń uzaq merzimdi damý strategııasy tabysty júzege asary anyq. Keleshekte de Tuńǵysh Pre­zı­­dentimizdiń salǵan sara joly men sarabdal saıasaty jalǵa­syn tabady dep oılaımyn.

Búgingi tańda qoǵamdy alań­da­typ otyrǵan máseleler óte kóp. Árıne jaqyn bolashaq­ta olar óz sheshimin tappaq. Qazaq­stan egemen el atanǵan kúnnen-aq tizgini dana saıasat­shynyń qolynda bolyp, búginde qýatty eldiń kórinisine aınaldy. Azat­tyq­tyń alǵashqy kúninen esep­tegen­de búginge deıin elimiz­de tyń ózgerister oryn aldy. Daǵdarystyń tar qys­paǵyn­da talaı eldiń saǵy syn­ǵan kezeńderde de baı, qýat­ty memleketimizde jyl saıyn áleýmettik jaǵynan az qam­­tyl­ǵan adamdarǵa kór­seti­letin járdem, zeınetaqy men shákirt­aqyny udaıy ósi­rip otyrdy.

Búginde elimiz asa mańyz­­dy tarıhı kezeńdi bastan ót­kerý­de. Alty qurlyq tanyǵan Qazaq­stannyń bolashaq taǵdy­ry álem elderiniń de nazarynan tys qalmaǵan. Bul týraly Prezıdent Qasym-Jomart Toqaev Qazaqstan halqyna úndeýinde «Biz Elbasynyń sara jolymen júremiz. Halqymyz – birtutas. Táýelsizdigimizdiń eń joǵary qundylyǵy retinde memleketimizdiń irgesi myǵym. Aldaǵy prezıdenttik saılaý osyǵan dálel bolýy kerek. Sondyqtan eldegi qoǵamdyq-saıası kelisimdi qamtamasyz etip, alǵa basý úshin, áleýmet­tik-ekonomıkalyq maqsat-mindetterdi laıyqty júzege asyrý úshin bizge aıqyndyq qajet. Onyń ústine, álemdegi ahýal bulyńǵyr bolyp tur. Bul Otanymyzdyń qaýipsizdigine syn-qater ákelýi múmkin. Ishki jáne syrtqy saıasattaǵy sabaq­tas­tyq pen turaqtylyqty saq­tap, Elbasy usynǵan áleýmettik baǵdarlamalardy oıdaǵydaı sátti ári tıimdi iske asyrýymyz kerek. Mundaı sheshim tek halyq­tyń tikeleı erkimen saılaýda qabyldanýy qajet», degen bolatyn. Sondyqtan da bárimiz atalǵan saılaýǵa bir kisideı atsalysýymyz, bir jaǵadan bas, bir jeńnen qol shyǵaryp, Memeleket basshysyn tańdaýymyz qajet.

Fahrıddın QARATAEV,

Parlament Májilisiniń depýtaty