Ol jer men kóktiń arasynda júrgen tárizdi. Arýaq emes. Eleske de uqsamaıdy. Biraq onyń turaǵy jeti qat aspannyń bergi jaǵyndaı bolady da turady.
Ony tanıtyn árbir adam eleńdep júredi. Áne-mine esikten: «Assalaýmaǵaleıkým», dep kirip keletindeı. Qapsyra qysyp, keýdesine basyp, jyly ǵana jymıyp, artyq áńgime aıtpastan, qaıda júrgeninen habar bermesten: «Ne jańalyq?» dep suraıtyn sııaqty. Jıyrma jylǵa jýyq ýaqyt aralyǵyndaǵy jańalyqty oǵan qalaı aıtyp taýysarsyń?! Jańalyq aıtpaq túgili, tiliń baılanyp qalady da.
Ol jer men kóktiń arasynda júrgen tárizdi. Arýaq emes. Eleske de uqsamaıdy. Biraq onyń turaǵy jeti qat aspannyń bergi jaǵyndaı bolady da turady.
Ony tanıtyn árbir adam eleńdep júredi. Áne-mine esikten: «Assalaýmaǵaleıkým», dep kirip keletindeı. Qapsyra qysyp, keýdesine basyp, jyly ǵana jymıyp, artyq áńgime aıtpastan, qaıda júrgeninen habar bermesten: «Ne jańalyq?» dep suraıtyn sııaqty. Jıyrma jylǵa jýyq ýaqyt aralyǵyndaǵy jańalyqty oǵan qalaı aıtyp taýysarsyń?! Jańalyq aıtpaq túgili, tiliń baılanyp qalady da.
Qazaq ádebıetiniń kóginde 90-jyldardyń basynda bir juldyz jarq ete qalǵan. Ádil Botpanov degen. Ádil týraly áńgime aıtý óte qıyn. Sebebi de joq emes. О́ıtkeni, ol joǵalyp ketti.Qarǵanyń mıyn qaınatar shilińgir shilde edi. Kúntizbe 1996 jyldy kórsetip turǵan. Tańerteń ádettegideı úıden shyqqan Ádil sol kúni oralmady. Sol ketkennen mol ketti. Ne izi joq, ne ózi joq. Habar-oshar da bolmaı tur. 27 jasta ǵana bolatyn. Aqyndy sońǵy kórgen sol kezdegi ákim eken. Qalanyń ákimi Baqbergen Dosmambetov. Qalaı dersiz? Ákim darııanyń boıyn jaǵalaı kele jatady. Tóbeniń basynda aq kóılegi kólbeńdep áldebireý otyrady. Taıap barsa, Ádil eken.– Ádil-aý, munda neǵyp júrsiń?– deıdi. Aqyn:– Balyq aýlap otyrmyn,– depti. Balyǵy az, jaǵasy saz jerde aqynnyń qarmaq salyp otyrǵanyna tańǵalady ákim. Biraq balyq aýlap otyrmaǵany beseneden belgili edi. Qolynda qarmaǵy da joq. Botpanovtyń qıqar ekenin biletin Baqbergen aǵa ary qaraı óz tirligimen ketedi. Sodan keıin Ádildi kórgen adam joq.Aqmeshittegi aǵaıyn Ádildi sodan beri izdep keledi. Alǵashqy kúnderdegi sabylysty aýyzben aıtyp jetkizý múmkin emes. Sol kezderi Qyzylordada qyzmet atqarǵan Baýyrjan Omaruly men Amantaı Sháriptiń tabanynan tozyp aqyn inisin izdegeniniń ózi nátıje bermedi. Sháhızada Ábdikárimov pen Amanjol Saqypuly «Ádil saıajaıda jatyr eken», degendi estip qulqyn sáriden sol mańdy torýyldap, kesh qaraıa jaryq janyp turǵan árbir úıdiń terezesine úńilip júrip tań atyrǵany da eresen eńbek. Ákesi Ánýarbek aqsaqaldyń, jary Gúlsimniń janushyra júgirgeni de jaqsy habarǵa jalǵasa qoımady. Qysqasy, 96-daǵy dúrbeleńniń dúbiri áli kúnge basylǵan joq. Biraq úmit bar. Oralady degen. Ári-beriden soń baqsy-balgerlerdiń ózi aqynnyń tiri ekenine kýálik beripti-dúr. Onyń Qaırat Aǵabergen atty joldasy bolǵan. Osy kisi Ǵazıza degen balshyǵa barypty. Sonda balshy: «Bul bala – tiri. Keýde tusynda alaqannan ushyp bara jatqan kógershinniń sýreti bar eken. Dartandy degen jerde júr. Qasynda ózge ulttyń uzyn boıly, qasy-kózi qıylǵan qyzy bar. Sol áıel sýǵa dem salyp, jigitti dýalap alyp ketken», – depti. Onyń amandyǵy Allaǵa ǵana aıan tirlik qoı. Deı turǵanmen asylyńnan aıdyń-kúnniń amanynda tirideı aıyrylǵanda adam balasyna baqsynyń sózi de qýat beredi.Ádil jıyrma jasyna deıin qazaq ádebıetin ǵana emes, álem klassıkteriniń kóp eńbegin sarqa oqyp, taýysyp tastaǵan. Sodan bolsa kerek, qatarlastarynan edáýir bıik oılaıtyn. О́resi de sonshalyq zor edi. Oǵan Qudaı taǵala úıip-tógip bere salǵan talantyn qossańyz aqynnyń beınesi zoraıa túsedi. KazGÝ-diń ekinshi kýrsynda oqyp júrgeninde jyr jınaǵy daıyn bolǵan. Baspaǵa da beripti. Degenmen, «taǵy bir qarap shyǵaıyn» dep baspadan alyp ketedi de, joǵaltyp alady. Múmkin, bireý ádeıi joǵaltyp jiberdi me eken? Al jınaqtyń atyn «О́mirzaıa» dep ataıdy. О́zi aıtyp otyrady eken: «О́mirzaıa degen eń alǵashqy bolyp týyp, aıdyń janynda turatyn juldyz. Jarqyrap turady. Al basqa juldyzdar týǵanda ol joǵalyp ketedi», dep. Osy attas óleńi de bolǵan. О́kinishtisi, atalmysh óleńniń tolyq nusqasy esh jerde saqtalmaǵan. Tek Baýyrjan Babajanuly ǵana óleńniń alǵashqy shýmaǵyn mıyna qattap qalǵan.О́mirzaıa juldyz bolyp kelem men,Jaryq jyr bop aspanyńda jylt etem.Salystyrsań maǵan bitken óleńmen,Tirshiligiń jáı ánsheıin qyrt eken.Osy bir ǵana shýmaqtyń ózi Botpanovtyń búkil taǵdyryn aıqyndap bergendeı bolady da turady. Qazaq ádebıetiniń aspanynda jylt etkenińiz ne, jarq etkeni ras Ádildiń. О́zine bitken óleńniń qudyretti ekeni de aqıqat. Iz-túzsiz joǵalyp ketkeni… tirshiliktiń jáı ǵana qyrttyǵy da.Lenınniń ilimi sógilip, kapıtalızmniń ómirińizge dendep ene bastaǵan 90-jyldardyń bas kezi esińizde shyǵar. «Balapan basyna, turymtaı tusyna» ketken zaman edi ǵoı. Talaı ǵasyrdan beri úzdiksiz jalǵasyp kele jatqan qazaq poezııasynyń altyn jibi de setinep, úzilýdiń aldynda turǵan-tyn. Osy kezde daryny bólek, aryny erek tolqyn keldi. Aqyn Temirhan Medetbek olardy «altynkópirlikter» dep baǵa berdi. Osydan keıin olardy osylaı ataıdy jurt. Osy «altynkópirlikterdiń» bastaýy Ádil bolatyn. Muny osy tolqynǵa jatatyn qaı jigitten surasańyz da kýálikke turady. Bir kezderi dárýishtigimen daralanyp, qazaq qara sózinde zarzamannyń jańa sıpatyn qalyptastyrǵan Maraltaı aqynnyń ózi qos qolyn kóterip moıyndaıtynyna shúbá joq. «Qasqyrdy emip júrgen» Ámirhan Balqybek «myqty qazaq» deıdi birden. Júregi názik Jaras Sársek te janary jasqa tolyp Botpanovtyń bıigine kóz tastaıdy. Baýyrjan Babajanuly týraly sóz basqa. Osyndaıda da myna bir estelik eske túsedi.Maraltaıdyń Jambyl men Almatynyń arasynda jalańaıaq jar keship júrgen kezi eken. Daýyldatyp, jaýyndatyp keledi deıdi. О́rekpip jyr oqıdy. Jaýdyryp turyp jazady. Jigitterdiń barlyǵy tik turyp tyńdaıdy. Kúnderdiń bir kúninde dastarqan basynda Ádil men Maraltaı jolyǵady. «Kentavr» jyryn oqıdy. Tórde otyrǵan Ádil ernin bir jaǵyna qısaıtyp «erýnda» deıdi. Onyń ózi óleńge baǵa bergende aıtatyn eki-aq sózi bar eken. Biri jańaǵy aıtqanymyz. Ekinshisi «óleń eken». Maraltaıǵa baǵasyn beredi de Ádil turyp ketip qalady. Jigitter barsa: «Maǵan dastarqandy myna bólmege jaıyńdar. Men taqpaq jazatyndarmen bir jerde otyrmaımyn», deıtin kórinedi qıqarlanyp. Mine, sizge kerek bolsa! Búginde Maraltaıdan asqan aqyndy taýyp kórińiz. Degenmen, keıinnen Ybyraevtyń ózi: «Men sol kezde shynynda da taqpaq jazyp júrgen ekem ǵoı», dep moıyndaǵan.Jumataı Jaqypbaevty bilmeıtin qazaq kemde kem shyǵar. О́mir boıyna Láılásin jyrlap ótken aqynnyń ózinen keıingi jigitterge asa qamqor bolǵanyn jurt tańdaıynan tamyzyp otyryp aıtady búginde. Sol shaqtarda aqyndardyń arasynda «Jumataıdyń qaǵanaty» degen tirkes te bolǵan. Bul neden shyqqan? Jaqypbaev súıegi jaǵynan tóreniń tuqymy ǵoı. Onyń ústine únemi jalǵyz júrmeıdi. Janynda kemi bes-alty aqyn bolady. Topyrlaǵan jastardyń ortasynda otyrǵanda Jumataı: «Mynaý meniń qaǵanatym», degen eken. Sodan keıin osy tirkes aqyndardyń sózdik aınalymyna enip ketken. Osy qaǵanattyń sońǵy noıany da Ádil bolǵan. Ol týraly Babajannyń aqyn balasy bylaı dep eske alady.«Bir kúni keshke Ádil bólmege kirip keldi de únsiz turyp qaldy. О́zinde óń-tús joq. Kózi mólt-mólt etedi. Biz shoshyp kettik. «Ne boldylap?» jatyrmyz. «Jumaǵań qaıtys bolypty»,– dedi ol. Shynyn aıtqanda, merzimdi baspasózderden óleńderin oqyǵanymyz bolmasa, Jumataı Jaqypbaevty biz ol kezde kóp bile bermeıtinbiz. Jumaǵańnyń jyr qaǵanatyn qurǵanyn, onyń eń jas sarbazy Ádil bolǵanyn sol kúni estidik. Kóp óleńderin sol túni oqydyq. Ádil Jumaǵańnyń qazasyna arnap «Jan azasy» degen óleńin jazdy».Qaǵanat hansyz qalǵanda týǵan jyr mynaý:Qushaqtap qaıǵy jabyqqam-dy qur,Jabyqpas jaqqa ketermin.Uıyqtasam qara tabyttardy kilAımalap júrem, netermin…
Qashanǵy endi ǵashyq balashaSoza da berem tózimdi.Tabyttyń ishin ashyp qarasam,Ishinen kórem ózimdi.
Úreıim ushyp, údeıip kúmán,Basqa bir keldim tabytqa.Onda da ózim, ne deıin buǵanQolymdy sozyp jaryqqa.
Qolymdy sozyp, jalyn dep laýlap,О́shirip únin nalanyń.Armandy qýyp tánimnen aýlaq,Alysqa samǵap baramyn.
Sanaǵa endi bul da azyq pa eken,Taǵy ashtym tabyt, bekemmin.Ishinde ózim – gúl názik óleń,Byldyrlap jatyr ekenmin.Byldyrlap jatyr ekenmin…Bul onyń birinshi kýrsta jazǵan jyry. Bárimiz birinshi kýrstyń stýdenti bolyp kórdik qoı. О́z basym osy ýaqytqa deıin mynadaı deńgeıde óleń jazǵan «balmuzdaqty» kórmeppin.Biletinder Ádilge KazGÝ-diń fılfagynda oqý qyzyqsyz boldy deıdi. Keıbir muǵalimderdiń deńgeıiniń tómendigin betke aıtqan kezderi de joq emes kórinedi. Jer jahannyń jaýharlaryn ózdigimen oqyp-bilgen soń munysy qalypty da qubylys shyǵar. Qansha bilimdi degenmen balalyǵy men balańdyǵy da bolǵan ǵoı. Sondyqtan albyrttyǵy alǵa shyǵyp kete bergen de shyǵar. Biraq ol qara sózdiń qadirin bilgen. Keıbir joldastary óleń oqyp turǵanda «sen aqyn bolmaı-aq qoıshy» deıdi eken birden. Sózdiń qasıetin ketirmeshi degeni de ol. «Bul KazGÝ-de menimen deńgeıles Nurjan Qýantaıuly deıtin jigit bar», depti birde. Talantty jazbaı tanıtyndyǵy shyǵar. Qýantaıuly búginde poezııada ózindik orny bar aqyn. Sonymen qatar, prozasy da jurt aýzynda. Bir ǵana «Qaraózek» degen jınaǵy eldi eleń etkizdi. Onyń syrtynda ǵalymdyǵy bir tóbe. Júsipbek Aımaýytovty zerttep júrgen birden-bir adam. Jýrnalıstigi týraly sóz qozǵaý basy artyq shyǵar. Búginde О́skemende. «Shyǵys-aqparat» medıaholdınginiń dırektory.Álginde aıtqan Ámirhanǵa Ádil aıtypty bir kúni. «Ekeýmiz ádebıettegi básekeles bolaıyqshy», dep. Ámir qaǵannyń da álemi bólek qoı. Taǵy da Baýyrjanǵa súıeneıik. «Onymen talasatyn Ámirhan Balqybek qana. Ákesi Jumabek: «Eń bolmasa jaqsy oqyrman bolyp shyǵarsyń»,– dep baǵyt-baǵdar siltep, kóp kitaptar oqytqan Ámirhannyń da bilmeıtin pálesi joq edi. Ony Ádil de moıyndaǵanymen, tek «shahanovshalap jazǵanyńdy qoı» dep óleńine tıisedi». Aıtpaqshy, Balqybek alǵash jyryn oqyǵanda-aq: «Mynaý Shahanovtyń kóshirmesi ǵoı», degen eken Botpanov. Kele-kele Ámirhan da «shahanovshylaǵanyn» qoıyp, óziniń súrleýin saldy.Endi bir sát Ádildiń óleń álemine aıaldaıyq. Aldyn ala aıtamyz, onyń shyǵarmalarynda ólim týraly kóp aıtylady.«Men óleńge kelgen kezde essizbin». Alǵy sózine N.Glazkovtyń Hlebnıkov týraly bir sóılemin tilge tıek qylady. «…Byl Hlebnıkov, no ýmer nıshım. No predsedatelem zemshara», degen.Men ne deıin tóraǵasy Jershardyń,Sen turǵyzǵan úlken úıden enshi aldym.Jyr bar mende, qaıǵy-muń bar azdaǵan,Taǵdyrym bar jantaǵyndaı sortańnyń.
Nur kútpedim jyr uqpaǵan kisińnen,Jartykeshteý tirligine isingen.Pende emes em «kır-býl-shyldy»sen jazǵan,Qur bylshyl dep túsingen.
Tóraǵasyz tul Jershardy mekendep,Kóringenmen tirligime bekem bop.San qıyrǵa kóz salamyn záýde men,«Qaıyrshy bop, qaıda ketsem eken?» dep.
Men qashanǵy pendelikti maldanyp,Júrer deısiń tirshilikke aldanyp,Ketem, bir kún ár qıyrdan jyr izdep.О́ziń qusap sandalyp…
О́mir boıy sezip-bilgem muny men,Kesh batqanda qaıǵyly ánniń únimenQosyp iship, taýysam da sharapty,О́ligimdi stakannyń túbinen…
Taýyp alam. Bul qııaly essizdiń,Dersiń, bálkim, bálkim, dersiń kózsiz muń.Qaıdam basqa tirligińdi, áıteýir,Men óleńge kelgen kezde essizbin.«Alla aqynnyń aýzyna óz taǵdyryn salady», degen sóz bar ǵoı. Myna óleńdi oqyp otyryp Ádildiń ómiri elesteı beredi kózime. Qarańyzshy, óleń deıtin jersharyn mekendedi. Ony túsinbeıtinderdi túsinbedi. Tirshiligine bekem-aq boldy. Keıbir aqyndar sekildi jalańaıaq, jalańbas bolmady. Bala-shaǵasyn asyrady. Baspanaly etti. Eshteńeden taryqtyrmady. Biraq onyń poezııaǵa degen ińkár sezimi áldebir álemge tarta berdi. Jáı ǵana kóptiń biri bolyp júrgisi kelmedi. Ár qıyrdan jyr izdedi. Sol izdegen jyrynyń sońynda ketti. O, toba! Endi qaıda ekeni belgisiz.Ádil oqýdy taýyspaı ketti. Ekinshi kýrstyń ekinshi semestrinde aǵylshyn tiliniń apaıy baǵasyn qoımaı, qulatyp jiberdi. Sodan keıin ol týǵan jerine oraldy. Munda da el bar. Aqyn, aqyndyqqa jaqyn jigitter bar. Eń qyzyǵy jigitter jan-jaqtan qaýmalap júrip ony jýrnalıstıkanyń soqpaǵyna salyp jiberdi. «Alǵashqyda kónbedi», deıdi Amanjol Saqypuly. Degenmen, kóp qoıa ma, ıliktiripti. Dál sol kezde «Aqmeshit aptalyǵy» degen gazet ashylǵan. Oǵan kil jastar jınalǵan. Sonyń ortasynda Ádil júrgen. Ol týraly búginde «Syr medıa» JShS-in basqaryp otyrǵan Amanjol bylaı deıdi:– 1994 jyly aımaqta alǵashqylardyń qatarynda táýelsiz hám jeke «Aqmeshit aptalyǵy» gazeti jaryqqa shyqty. Gazettiń bas redaktory – Syr jýrnalıstıkasynda úlken orny bar, qazaq kósemsóziniń qara nary Ádilhan Báımenov edi. Gazetke tilekshi bolyp kezinde oblystyq gazetterdi basqarǵan eki abyz shal Nurdildá Ýálıev pen Shákizat Dármaǵanbetov júrdi. Gazettiń qara jumysyn, ıaǵnı eki terteni moıynǵa ilgen Dúısenbek ekeýmiz edik. Qasań saıasattyń sylyńǵyr sózinen sharshaǵan oqyrmannyń bizdiń gazetimizge yqylasy jańbyrdan soń búr ashqan kóktemgi jaýqazynnyń beınesinde boldy. «Aqmeshit aptalyǵy» oqyrmannyń izdep júrip oqıtyn súıikti basylymyna aınaldy. Taralym kóbeıdi, shyǵarmashylyq ortany tolyqtyrý máselesi kún tártibine kóterildi. Sol kez biz Ádil Botpanovty izdedik. «Jigitter, men maqala jaza almaıtyn shyǵarmyn». Sol sózdi aıtqan Ádil qasıetti qalamnyń kıesinen qaımyqty ma eken, álde bizdi synaǵysy keldi me, beımálim. Jabyla úgittep, jýrnalıstıkanyń qamytyn moınyna kıgizip-aq jiberdik. Ádil salǵannan syralǵy júırikteı oza shapty. Onyń maqalalarynda qoǵamnyń sol sáttegi bolmysy aına-qatesiz kórinis tapty. Synalǵan jannyń ózi renjip otyryp rahmet aıtyp ketetin. Ádil kelgen soń bizdiń gazettiń tanymaldylyǵy arta tústi. Tanymdyq materıaldar, ǵylymı izdenister, tirliktiń ótkir máseleleri jóninde jazylǵan dúnıeler oqyrman janyn rýhtandyratyn. Ádil shetel ádebıetinen kórkem aýdarma jasaıtyn, óleńderin shyǵaratyn. Men bas redaktordyń orynbasary esebinde biryńǵaı uıymdastyrýshy jaǵyna kóshtim. Ádil jaýapty hatshylyqty meńgerip aldy. Keıde shyǵatyn gazetti bas redaktordyń ózi kórmeı qalatyn. Sonyń ózinde: «Jigitter, gazet óte jaqsy shyǵypty» dep Ádekeń rıza keıipte otyratyn. Bul Ádil shyǵarmashylyǵynyń da shyrqaý bıiktegi kezi bolsa kerek.Sekretarıattyń jumysy – gazettiń julyny ǵoı. Aqyn ony da qyńq etpeı atqaryp, birden ıgerip ketken. Jaýapty hatshy bolyp istep júrgeninde Almatydaǵy jigittermen kezdesedi. Sonda Ádil aıtqan taǵy bir áıgili sóz qalady. «Jaýapty hatshy degen – gazettiń maketin jasaıtyn adam. Myna Ámirhandardyń bes jyl oqıtyny sol eken ǵoı, men bes kúnde úırenip aldym ony».Keıinnen Qyzylordada qalalyq televıdenıe ashyldy. Onyń basy-qasynda júrgen Sháhızada Ábdikárimov edi. Shákeń Ádildi shaqyrady. Taǵy qorqaqsoqtaıdy. Biraq artynan kónedi. «Televıdenıeniń qatyp qalǵan temirlerine jan bitirdi ǵoı», deıdi qazir «gladıator» aqyn Ábdikárimov. Sol jerde úsh aı ǵana qyzmet qylady. Sodan keıin… joq.Syrdyń boıynda Ádilge syrlas bolǵan jigitterdiń biri Dúısenbek Aıashuly. Ol ótken kúnderdi bylaı dep oraltady. «Bir kúni:– Meniń alysqa ketip qalǵym keledi,– dedi.– Qaıda?– Áıteýir alysqa. Alańsyz jatyp áli eshbir aqyn jazbaǵan óleń jazsam ba deımin. Mylqaýdy sóıletip, soqyrdyń kózin shaıdaı ashatyn.– Onsyz da myqtysyń ǵoı.Ol meniń bul sózime mán bergen joq.– Sosyn qaıtyp oralam…»Qyzyq. Ádil alańsyz jyr jazyp jatatyn jaıly mekenge ketti me, álde basqa jaqta ma, belgisiz. Desek te, bir jaqqa ketti. Mylqaýdy sóıletetin, soqyrdyń kózin ashatyn óleń jazǵan da shyǵar. Joq! Sirá, jazbady. Jazsa, oralatyn edi ǵoı…Dúısenbek pen Ádildiń osy dıalogyna qanyq Elýbaı Áýezov óleń shyǵarypty. «Ol keledi» depti taqyrybyn.Qansha arman bar-dy aldyńda,Júrekke zapyran, tolady ý.Erkelep bolsań taǵdyrǵa,Kerek te shyǵar oralý.
Aılaryń jylǵa ulasyp,Shertedi kúıin júz perne.Túsinbeı júrmiz rasy -Joǵalǵan sen be, bizder me?
Túsire berme muńdy eske,Shólmek te bir kún synady.Uzaǵan sensiz jyr-kóshke,Birdeńe jetpeı turady.
Taǵdyryń tartsa qıly syn,Baq únsiz qalyp, jylar baý.Ádil-aý, ońaı deımisiń,О́zińsiz keshte jyr arnaý.
Biliner áli-aq deregi,Jyryn súı, onyń dosyn súı.Oıda joq bir kún keledi,Bizderge syılap tosyn syı.Qazaqta Ádilge deıin de, keıin de joǵalyp ketken aqyndar bolǵan. Mysaly, Saǵat Ábdýǵalıev. 1983 jyly joǵalyp ketken. Sergeldeńge toly segiz aıdan keıin ǵana deregi tabylǵan. Qoı baǵyp júrgen balalar bir saıdyń ishinen onyń súıegin taýyp alǵan. 1970 jyly QazGÝ-ge oqýǵa túsip, jýrfakty bitirgen soń Shymkentte jumysqa ornalasqan Tanabaı Narmanov ta habar-osharsyz ketedi. О́li denesi bir jyldan soń tabylady.Ádil de joǵalyp ketti. On alty jyl ótti. Biraq ne tirileı, ne ólideı tabylmady. Bizdiń jurtta: «Kebin kıgen kelmeıdi, kebenek kıgen keledi», degen sóz bar. Kebin men kebenektiń aıyrmasyn esti qazaqqa túsindirip jatýdyń keregi joq shyǵar. Aýyr bolsa da aıtaıyq, Saǵat Ábdýǵalıev pen Tanabaı Narmanov kebin kıgen soń oraldy. Al Ádil kebenek kıip ketti. Sondyqtan ol áli keledi dep oılaımyz.Erjan BAITILES,«Egemen Qazaqstan».