Este joq eski kezeńde de halqymyzda qoly shıpaly emshiler az bolmaǵan. Búginde kóne dúnıe qupııasynyń keneresi jańa zamannyń jańalyǵymen tolyǵa túsýde. Ejelgi jurttyń emdeý tásili de san túrli dertti tula boıyńnan pyshaqpen sylyp alǵandaı jazyp jiberýge qaýqarly. Búgingi tańda kóshpendilerdiń ejelgi salt-dástúrimen baılanysty jattyǵýdyń osy túrimen aınalysatyndardyń qatary kóbeıip keledi. Mamandardyń aıtýyna qaraǵanda, keıbireýge shekesinen qaraıtyn shet eldikter de qazaq gımnastıkasyna qyzyǵýshylyq tanytýda eken.
Ortalyq mamany Abaı Baımaǵambetov baǵzy zamandaǵy qazaq synyqshylary qoldanǵan myńnan asa tásildi saraptaı kele, «aıkúne» dep atalatyn jańa jattyǵý túrin oılap tapqan. Osy emdeý tásili kúlli álemge tanylyp otyr. Ortalyqtyń ashylǵanyna qala turǵyndary da qýanyshty.
Alǵashqy ashylý kúni jınalǵan jurtshylyqqa jattyǵý tásilderi kórsetilip, qyr-syry uǵyndyryldy. Mamandardyń aıtýyna qaraǵanda, omyrtqa aýrýlarynyń emi alǵashqy kúnnen-aq óz nátıjesin kórsete bastaǵan.
–Jattyǵý omyrtqaaralyq núkteler arqyly jasalady. Qazaq gımnastıkasynyń basqa gımnastıkalardan aıyrmashylyǵy – emdik sharasynyń basymdyǵy. Alǵashqy jattyǵýdan-aq em alýshynyń boıy sergip, nátıjesin baıqaıdy. Taǵy bir aıta keterligi, adamnyń jan-dúnıesi men sanasyn serpiltý baǵytynda jumys isteımiz, deıdi qazaq gımnastıkasynyń jattyqtyrýshysy Láıla Maqysheva.
«Aıkúne» jattyǵý tásili búgingi tańda Eýropa keńistigine qazaqtyń tól óneri retinde tanyla bastady. Uly daladaǵy osy bir emdik tásildiń tarıhyna degen qyzyǵýshylyq ta týyndaýda. Baǵzy zamanda at ústinen túspegen ata-babamyz omyrtqa aýrýy degenniń ne ekenin de bilmegen. Endi solardan qalǵan ozyq tásil bel, demikpe aýrýlaryna da myń da bir daýa.