Jastar teatrynyń sátti sapary

Alǵashqy qoıylymymen-aq kókshetaýlyq jas qaýymdy jalt qaratqan atalmysh teatr­­dyń álden-aq nyq bas­qan aıaq alysy kóńil qýan­tar­lyq. Taıaýda Aqtóbe qala­synda ót­ken tórtinshi «Balaýsa» eks­­­perı­mentaldy qoıy­lym­dar festıvaline qaty­syp, ol­jaly oraldy. Bul óner do­da­synda О́zbekstan, Ar­me­nııa, Qyrǵyzstan, Tatar­stan­­­nyń kásibı teatrlary­nyń ujym­dary baq synas­qan. Kók­shetaýlyq jas teatr ujy­my Aıgız Baımu­ham­­be­to­v­tiń, Angıza Ish­býl­dına­nyń «Armandar kemesi» spek­taklin daıyndap apar­ǵan bolatyn. Basty róldi som­da­ǵan­dardy da ataı ketken lázim. Ilııas beınesinde Jánibek Ma­ham­­betııar, Arýjan Begim­di beı­n­elegen Maýlıda Nur­ǵa­lıeva, Farıd rólin som­da­ǵan Qýan Amanjol, Daıan rólin Qýanysh Jalǵas oı­naǵan. Kórkemdik jetekshisi ári rejısseri – Far­hadbek Qanafın. 

– О́ner baıqaýy óte tartys­ty ótti. Qatysýshylardyń bári derlik sahna mádenıetin jetik meńgergen, kásibı turǵyda ábden tolysqan akterler. Al bizdiń jas­tar teatrynyń akterleri Aqan seri atyndaǵy joǵary má­denıet kolledjiniń bilim alýshylary, – deıdi Far­hadbek Qanafın, – kolledj dırektory Quralaı Ydy­rysova bizdiń talabymyz­dy qoldap, kómegin kóp tıgi­zip otyr. Bul festıval Jas­tar jyly men Aqtóbe qala­sy­nyń 150 jyldyǵyna oraı uıym­dastyryldy. Biz úshin  táji­rıbe almasqan, shyn sheberlik­tiń shyńyn nusqaǵan sabaq boldy. Qazylar alqasynyń sheshimimen «О́zekti sahna tilin izdegeni úshin» atalymy boıyn­sha syılyqqa ıe boldyq. 

Jas akterlerdiń talpyny­syn baǵalaǵandyqtan, Aq­tóbe qalasynyń ákimi Ilııas Ispanovtyń arnaıy syı­lyǵy da berilipti. Jas­tar teatry aldaǵy ýaqytta zaman­das­tarynyń rýhanı ále­min kóriktendire túsýi úshin óz sheberlikterin jetil­dirip, izde­nýden jalyqpaı­tyn­dyq­taryn jetkizip otyr. Qoǵamdaǵy keıbir keleńsiz qylyqtardy qasıetti óner arqyly emdep jazýǵa yqpalyn tıgizse, oıǵa alǵan maqsattary da oryndalar edi.  Aqmola oblysy