Juma, 8 naýryz 2013 7:41
2010 jylǵy Kendi Altaıdaǵy sý tasqyny 17 naýryzda oryn alǵan. Al bıyl naýryz týysymen-aq kúnniń kózi eljirep, qys boıy tynbaı jaýǵan qalyń qardyń kóbesi sógilip, qala men dalada sý aǵyl-tegil aqty. Soǵan qaraǵanda, bıyl kóktemgi sý tasqyny erte keletin túri bar. Osydan eki-úsh kún buryn О́skemenniń Chernıahovskıı kóshesindegi eki-úsh úıdiń aýlasyna sý kirip, turǵyndardy ábigerge saldy.
Juma, 8 naýryz 2013 7:41
2010 jylǵy Kendi Altaıdaǵy sý tasqyny 17 naýryzda oryn alǵan. Al bıyl naýryz týysymen-aq kúnniń kózi eljirep, qys boıy tynbaı jaýǵan qalyń qardyń kóbesi sógilip, qala men dalada sý aǵyl-tegil aqty. Soǵan qaraǵanda, bıyl kóktemgi sý tasqyny erte keletin túri bar. Osydan eki-úsh kún buryn О́skemenniń Chernıahovskıı kóshesindegi eki-úsh úıdiń aýlasyna sý kirip, turǵyndardy ábigerge saldy.
– Ádette, О́skemen qalasynda qar barynsha qalyń jaýdy degen jyldardyń ózinde tasqyn qalanyń shetkergi aýmaqtaryn ǵana alyp jatatyn. Al bıylǵy jaýǵan qardyń kóptigi sondaı, endi qaýip-qater ortalyq kóshelerdiń ózine de tónip turǵandaı. О́ıtkeni, qala kóshelerindegi qardyń qalyńdyǵy bir metrge jýyqtaıdy. Mundaı jaǵdaıda eger kún kúrt jylynatyn bolsa, qalany qaq jaryp aǵatyn Úlbi ózeni óz arnasynan shyǵyp ketýi ábden múmkin, – deıdi О́skemen qalasynyń ákimi Serik Táýkebaev.Tasqyn qateri oblys ortalyǵynda ǵana emes, basqa óńirlerde de barynsha kúsheıe túsýde.Ulan aýdanynyń ortalyǵy Qasym Qaısenov kentindegi 4-shi shaǵyn aýdanynyń jeke menshik sektoryndaǵy birneshe úıdi sý basý qaýpi oryn aldy. Osyndaǵy 34-shi órt sóndirý bóliminiń 12 adamy men birneshe tehnıkasy sýdyń arnasyn basqa jaqqa buryp úlgerdi. Sýyt habarlar basqa óńirlerden de kelip túsýde.Dál qazirgi shaqta Altaıdyń aýa raıy san qubylyp tur. Sársenbi kúni aýa temperatýrasy 13 gradýsqa deıin kóterilip, qatty daýyl soqty. 8 naýryzda kún kúrt sýytyp, keı jerlerde 20-25 gradýsqa deıin sýytpaq. Daýyldyń jyldamdyǵy sekóntine 18-23, keı jerlerde 26 sekóntke jetpek. Jaqynda QR Tótenshe jaǵdaılar jónindegi Mınıstr V. Bojko óńirde bolǵan kezde Kókpekti, Glýbokoe aýdandarynda qardyń qalyńdyǵy 3-4 metrge jetkenin kózben kórip, kómek jasaıtynyna ýáde berip ketken. Bıyl qar barlyq jerde jyldaǵy normadan eki-úsh ese artyq. Biraq, arnaıy qyzmet oryndary men turǵyndardyń ózderi de arqany keńge salmaı, aýlalarda taý bolyp jatqan qardy aýlaqqa aparyp tastaýǵa kóńil bólgenderi jón. Bir sózben aıtqanda, Kendi Altaıǵa qaýip bulty tónip tur.Osy rette oblys basshylyǵyn tolǵandyryp otyrǵany qarjy máselesi ekendigin aıta ketpekpiz. Bıylǵy tasqynmen oıdaǵydaı kúresý úshin, eń aldymen, turǵyndardyń belsendiligi jáne mol qarjy qajet. Oblystyq bıýdjettiń múmkindigi shekteýli. Estýimizshe, V.Bojko oblysqa kómektiń bolatyndyǵyn, biraq birden bóletindeı mol qarjynyń joqtyǵyn aıtyp ketken. Endeshe, iske Úkimettiń aralasqany jón ekeni anyq. Mundaıda barynsha saq bolǵanǵa ne jetsin!Ońdasyn ELÝBAI,«Egemen Qazaqstan».О́skemen.