Balalar kúnine oraı 1 maýsymda balalarǵa arnalǵan marafon ótedi. Búldirshinder men jetkinshekterdiń sportqa qyzyǵýshylyǵyn arttyrýdy maqsat etip otyrǵan júgirý sharasyna 350 bala qatysady dep josparlanǵan. Jarystyń tártibi boıynsha 3-4 jas aralyǵynda balalar 200 metrge, 5-8 jas aralyǵyndaǵylar 500 metrge, 9-14 jas aralyǵyndaǵy balalar 3 shaqyrymǵa júgiretin bolady.
Uıymdastyrýshylardyń aıtýynsha, balalardyń sportqa degen kózqarasy baldyrǵan jastan qalyptasady. Sondyqtan da ekinshi jyl qatarynan uıymdastyrylatyn jarysta ár balanyń qýanyshty sátin kórý ata-anasy úshin de asa mańyzdy. Jarys aıasynda balalarǵa arnalǵan qyzyqty baǵdarlama, shoý uıymdastyrylyp otyr. Balalar arasynan ozyp shyqqan júırikter arnaıy syılyqtarmen marapattalyp, estelik medalder tabys etiletin bolady.
Almaty ákimdiginiń qoldaýymen ótetin balalar jarysy Shahmardan Esenov atyndaǵy ǵylym-bilim qorynyń, «Birinshi bolý - batyldyq» korporatıvti qorynyń, «World Class Almaty» fıtnes klýbynyń uıymdastyrýymen ótedi.