Otyrys barysynda toptyq rezervýarlyq qondyrǵylardyń jumysy, qalanyń 20 jyldyǵyna salynǵan mýnısıpaldy menshik obektilerin mýnısıpaldy menshikke qabyldaý, sondaı-aq bas qalany kógaldandyrý máseleleri qaraldy.
Qazaqstannyń jasyl ekonomıkaǵa kóshýin iske asyrý, jańartylatyn energııa kózderin damytý jóninde otyn-energetıkalyq kesheni jáne kommýnaldyq sharýashylyq basqarmasynyń basshysy Erbol Tóleýov baıandady. Onyń aıtýynsha, qazirgi ýaqytta memlekettik mekemeler men jeke kompanııalar qurylysta jańartylatyn energııa kózderin belsendi túrde qoldana bastady.
«Jańartylatyn energııa kózderi qaladaǵy 23 nysanda ornalasqan. Búgingi tańda olar qala boıynsha jalpy 700-den astam kılovatt/saǵat energııa berýde. Bul, elektr energııasyna arnalǵan shyǵyndy jylyna 20 mıllıonnan astam teńgege únemdeýge múmkindik beredi. Uly dala jáne Turar Rysqulov kósheleri, birneshe saıabaq pen gúl baǵy, sorǵy stansııalary, avtobýs aıaldamalary, ekojataqtar jáne gadjetterdi qýattaý oryndary jańartylatyn energııa kózderine aýystyryldy», dep atap ótti E. Tóleýov.
Baqyt Sultanov Qazaqstanda energııanyń balamaly kózderin qoldanýdyń jaqsy nátıjeleri bar ekenin tilge tıek etti. Ol atalmysh másele boıynsha zertteý júrgizip tıisti usynystar engizýdi tapsyrdy.