Qaraǵandy qalasyndaǵy Oktıabr aýdanynda otbasylyq densaýlyq ortalyǵy ashyldy. Jańa ambýlatorııanyń bir aýysymda 100 emdelýshini qabyldaýǵa áleýeti jetedi.
Medısınalyq nysan memlekettik-jekemenshik áriptestik negizinde salynǵan. Zamanaýı qural-jabdyqpen qamtamasyz etilgen ambýlatorııada emdelýshilerge bir tereze qaǵıdaty boıynsha qyzmet kórsetiletin bolady. Mundaǵy baǵalar da qarapaıym halyqtyń qaltasyn qaqpaıtyndaı qoljetimdi deńgeıde. Medısınalyq qyzmet túrleriniń baǵasy oblystyq densaýlyq saqtaý basqarmasy tarapynan baqylanyp otyrylady.
Atap ótetin bir jaıt, Maıqudyqta boı kótergen bul ambýlatorııa qadamdyq qoljetimdilik qaǵıdaty negizinde bastapqy medısnalyq-sanıtarlyq kómekti damytý jospary aıasynda salynýǵa tıis 18 nysannyń alǵashqysy.